Rajon & Botë

SHBA me mënyra të reja për të stimuluar vaksinimin kundër Covid-19

Normat e vaksinimit COVID-19 në disa rajone kanë nevojë për një rritje për të arritur nivelet që ekspertët thonë se SHBA duhet të ketë.

Kështu disa udhëheqës shtetërorë kanë filluar të ofrojnë stimuj për të motivuar ata që janë ende në dyshime për t’u vaksinuar.

Për shembull, në Vermont, ai stimul vjen në formën e një premtimi për një kthim të hershëm në një lloj normaliteti.

Guvernatori Phil Scott, njoftoi se të gjitha kufizimet pandemike të shtetit mund të hiqen nëse shkalla e vaksinimit arrin 80 përqind të banorëve të ligjshëm të moshës 12 vjeç e lart.

Në West Virginia, ata që regjistrohen për një vaksinë dhe ata që e kanë marrë tashmë atë mund të regjistrohen për të marrë 100 dollarë në një bono kursimi ose kartelë dhuratë.

Ndërsa çmimi për t’u vaksinuar mund të jetë një milion dollarë në Oregon, pasi që shteti ka filluar një garë lotarie për çdo banor 12 vjeç e më shumë që merr të paktën një dozë deri më 27 qershor.

Sipas të dhënave të Qendrave të SHBA-së për Kontrollin dhe Parandalimin e Sëmundjeve të botuara të enjten shtytja për të rritur vaksinimet është bërë më urgjente pasi ritmi ka qenë në rënie. Shkalla mesatare ditore e vaksinimeve të koronavirusit është pothuajse 50 përqind.

Mirëpo ekspertët shqetësohen se çfarë do të ndodhë nëse rënia nuk ndryshon.

Sipas CDC mbrojtja pas vaksinimit është aq e fortë saqë amerikanët e vaksinuar nuk kanë pse të mbajnë maska. ATV