Shëndetësi

Shëroni alergjitë me këto ilaçe shtëpiake

Temperaturat e larta mund të shkaktojnë alergji. Kjo është reaksion negativ që prek lëkurën si pasojë e ndryshimeve në trup dhe ndryshimeve klimatike. Në vijim ju sjellim gjashtë ilaçe natyrale, për ta shëruar këtë gjendje.

AKULLI

Duke aplikuar akull sipër lëkurës është një nga mënyrat mirë të njohura për të shmangur irritimet që shkaktohet nga alergjitë e të nxehtët. Të ftohtët pakëson inflamacionet, përmirëson qarkullimin e gjakut dhe rregullon temperaturën e trupit Si ta përdorni: Disa kubëza akulli t’i mbështillni në një leckë dhe me kujdes fshini hapësirat e irrituara për 5 ose 10 minuta. Përsëriteni 2-3 herë në ditë.

VAJI I ULLIRIT

Shumica dinë për përdorimin e vajit të ullirit në lëkurë. Është dëshmuar se aminoacidet esenciale janë të shkëlqyeshme në luftimin e tharjes së lëkurës dhe plakjen e hershme. Ndihmon edhe te alergjitë. Si ta përdorni: Aplikoni pak vaj ulliri në lëkurë dhe fërkojeni butë- sisht. E lini lëkurën ta absorbojë dhe përsëriteni dy herë në ditë.

ALOE VERA

Siç edhe është pritur, xheli nga aloe vera shërben si shpëtimtar i lëkurës dhe simptomave të alergjisë nga të nxehtët. Përbërësit: 1 lugë xhel nga aloe vera. Si ta përdorni: Xhelin nga aloe vera ta fërkoni në hapësirat e prekura. Prisni për 20 minuta, më pas e shpëlani me ujë të ftohtë. Veproni kështu tri herë në ditë.

KAMOMILI

Çaji i ftohtë i kamomilit vepron si losion freskues që kontrollon irritimet nga kjo gjendje. Për më shumë, ky çaj në mënyrë të drejtpërdrejtë e rregullon temperaturën e trupit dhe problemet me tretjen Përbërësit: 1 lugë kamomil, 1 gotë ujë. Si ta përdorni: Kamomilin e thatë e shtoni në gotën me ujë të vluar dhe e lini të qëndrojë për 10 minuta. Kur të arrijë temperaturën e përballueshme, pastroni pjesët e prekura. Po ashtu, pini 1-2 gota çaj në ditë.

BOLLGURI

Bollguri përmban përbërës hidratues dhe qetësues. Është ilaç i mirë po ashtu për këtë gjendje. Aplikojeni bollgurin drejt në hapësirat e prekura. Si ta përdorni: Shtoni një gotë bollgur në ujë dhe e lini për 5 minuta. E aplikoni në fytyrë, dhe më pas e shpëlani me ujë të vakët.

UTHULLA E MOLLËS

Uthulla e mollës është e përdorshme për të rregulluar pH-në natyrale të lëkurës. Në të njëjtën kohë, parandalon reaksionet alergjike. Si ta përdorni: Përzieni sasi të barabartë të ujit dhe të uthullës së mollës. Aplikojeni në një pikatore dhe pastroni hapësirat e prekura. E lini të absorbohet në mënyrë natyrale, përsëriteni dy herë në ditë.