Arsim & Kulturë

Shtyhet fillimi i mësimit në shkolla

Ministria e Arsimit, Shkencës dhe Teknologjisë, në konsultim me drejtoritë komunale për arsim, ka marr vendim sot për shterjen e fillimit të gjysmëvjetorit të dytë, deri me datë 16 janar 2017.

Ky vendim është marr për shkak të motit të lig dhe temperaturave të ulëta që po mbretërojnë këto ditë në vendin tonë, me qëllim të evitimit të rreziqeve eventuale si dhe epidemisë së Gripit AH3V, për të cilin MASHT-i dje është njoftuar edhe zyrtarisht nga Instituti Kombëtar i Shëndetësisë Publike të Kosovës.

Ministria e Arsimit, Shkencës dhe Teknologjisë, në ditët në vijim do të njoftojë drejtoritë komunale për arsim, me vendimin për mënyrën e kompensimit të orëve të humbura të mësimit.