Rajon & Botë

Tajfuni ‘Trami’ shkatërrues në Japoni

Dy persona kanë humbur jetën pasi një tajfun i fuqishëm goditi Japoninë.

Tajfuni i pagëzuar me emrin “Trami” solli shkatërrim të dielën në afërsi të qytetit Osaka, me erëra që shkonin deri në 216 kilometra në orë.

Stuhia shkaktoi probleme të shumta. Shumë fluturime dhe linja treni janë anuluar.

Gjithashtu njoftohet se mbi 750 mijë banesa kanë mbetur pa energji elektrike.

Të paktën 120 persona janë plagosur. Tajfuni vjen një muaj pasi Japonia u godit rëndë nga stuhia më e fuqishme e 25 viteve të fundit.

Tajfuni “Jebi” shkaktoi përmbytje të mëdha dhe viktima në fillim të shtatorit.

the authorE B