Aktuale

Thaçi thotë se në raportin e DASH-it vërehet se Kosova ka përparuar në fushën e drejtësisë

Presidenti i vendit Hashim Thaçi ka komentuar raportin e publikuar dje nga Deparatamenti Amerikan i Shtetit (DASH) për të Drejtat e Njeriut në Kosovë për vitin 2018.

Sipas Thaçit, nga ky raport shihet se shteti i Kosovës ka bërë përparime në fushën e drejtësisë.

“Raporti për të Drejtat e Njeriut në Kosovë për vitin 2018, i publikuar nga Departamenti Amerikan i Shtetit, ka identifikuar shumë përparime në sektorin drejtësisë, por edhe shumë sfida që kemi përpara. I jemi mirënjohës SHBA-së për investimet dhe mbështetjen që i ka dhënë Kosovës në sektorin e drejtësisë”, ka shkruar Thaçi.

Ndërsa, për ngecjet që janë identifikuar në këtë raport, Thaçi thotë se do të punohet me dinamik për përmirësimin e tyre.

Tutje, ai tha se do ta luftojnë në mënyrë të pakompromis korrupsionin në vend.

Të gjitha ngecjet që janë identifikuar në këtë raport duhet të merren seriozisht nga institucionet e Kosovës dhe të punohet me dinamikë më të madhe në përmirësimin e tyre. Ne duhet ta vazhdojmë luftën e pakompromis kundër korrupsionit dhe t’i garantojmë të drejtat e qytetarëve të të gjitha komuniteteve tona, si vlera mbi të cilat e kemi ndërtuar shtetin tone”, ka përfunduar Thaçi./FaktePlus

the authorSamir Dalipi