Aktuale

Ulja e temperaturave në Shqipëri, nuk ka rrezik për vatra zjarri

Situata me zjarret në Shqipëri duket se po shkon drejt përmirësimit, pasi edhe temperaturat kanë shënuar një ulje në disa gradë.

Sipas emergjencave civile në 24 orët e fundit është evidentuar vetëm një vatër zjarri në Bogovë të Skraparit, shkruan Top Channel.

Zjarri ka rënë në një sipërfaqe me shkurre dhe pisha, dhe zjarrfikësit e Skraparit arritën të shuanin flakët me mjete rrethanore për shkak të terrenit të thyer malor. Në ndihmë kanë shkuar dhe banorët e zonës. Për pasojë u dogj një sipërfaqe prej 0.3 ha me shkurre.

Ndërsa në qarqe të tjera të vendit nuk janë raportuar probleme.

the authorE B