ShowBiz

Zbulohen takimet e fshehta në Durrës të Noizyt me Dafina Zeqirin (Foto)

U harruan kohërat kur Noizy sulmonte Dafina Zeqirin, katër vjet më parë, në një nga këngët e tij, “Na jena OTR”.

Tani Dafina dhe Noizy kanë hedhur pas krahëve  të kaluarën dhe janë pajtuar.

Por jo vetëm pajtuar. Noizy dhe Dafina tani, kalojnë shumë kohë bashkë. Sipas burimeve të dritare.net, këngëtarja kosovare udhëton shpesh drejt qytetit bregdetar, Durrësit, ku Noizy ka një shtëpi dhe ata të dy, janë parë dendur në shoqërinë e njeri-tjetrit.

Burimet e dritare.net nuk specifikojnë nëse afërsia e tyre kaq e madhe, shpjegohet me një lidhje dashurie, apo takohen kaq shpesh për punë. Por është e sigurt se shumë shpejt ata do të shpallin një videoklip të përbashkët, ose lidhjen e tyre të dashurisë. Çfarëdo qoftë nuk mund të fshihet më.

Noizy dhe Dafina Zeqiri janë artistë nga më të dashurit për publikun. Noizy  hyn te djemtë e muzikës, për të cilin, përditë e më shumë, dëgjon vetëm lajme të mira.

Ai ka krijuar një portret shumë human dhe çdo lajm nga ai, është i mirëpritur nga publiku që e pëlqen dhe çmon.

Ndaj lajmi i një lidhjeje me Dafinën, qoftë për një klip, apo dhe një histori dashurie, do t’i çmendte fansat e të dyve./dritare.net