Naile Demiri, pas përfundimit të gjimnazit 1999, u regjistrua në Fakultetin e Filologjisë në Universitetin e Prishtinës “Hasan Prishtina”, në drejtimin Letërsi dhe Gjuhë Shqipe (sistem 4-vjeçar), ku diplomoi më 18 shkurt 2005, duke fituar titullin Diplomë universitare për mësimdhënie në nivel parauniversitar.
Karriera e saj profesionale filloi gjatë vitit shkollor 2003/2004, kur u angazhua për një vit si arsimtare e gjuhës shqipe në shkollën fillore “Vëllezërit Frashëri” në Lipjan. Pas kësaj, për dy vite (2005–2007), punoi në media te shkruara, si gazetare në “Iliria Post” dhe më pas si zëvendësredaktore në gazetën “Pavarësia News”.
Nga viti 2007 deri në vitin 2014, ka qenë e punësuar në Kolegjin UBT në disa pozita: ligjëruese dhe koordinatore e Fakultetit për Media dhe Komunikim, zyrtare për Media dhe Komunikim me Publikun, si dhe kryeredaktore e gazetës “UBT News” dhe revistës “UBT Alumni”. Në periudhën 2007–2010, ka vijuar dhe përfunduar studimet master në Fakultetin e Filologjisë në Universitetin e Prishtinës “Hasan Prishtina”, duke fituar titullin Master i Shkencave Filologjike – Letërsi Shqipe. Ka diplomuar me studimin “Nivelet narrative në romanin Darka e gabuar të Ismail Kadaresë”, nën mentorimin e prof. dr. Zejnullah Rrahmanit. Me propozimin e mentorit, këtë studim e ka botuar si libër, i cili përfaqëson kontributin e saj të parë shkencor në fushën e letërsisë.
Gjatë kohës sa ishte në Kolegjin UBT, në vitin 2012, ka qenë njëkohësisht e angazhuar si ligjëruese në Fakultetin e Edukimit të Universitetit të Prishtinës “Hasan Prishtina”. Nga viti 2014 deri më 2019, ka udhëhequr Zyrën për Marrëdhënie me Publikun në Kolegjin AAB. Po ashtu, që nga viti 2014 e në vazhdim, është ligjëruese e lëndëve të gramatikës së gjuhës shqipe dhe shkimit akademik në të njëjtin kolegj.
Përveç përvojës në arsim dhe media, znj. Demiri ka qenë aktive edhe në institucione vendimmarrëse dhe projekte ndërkombëtare. Gjatë viteve 2016–2019, ka qenë anëtare e bordit të Radiotelevizionit të Kosovës (RTK). Po ashtu, ka shërbyer si Këshilltare për Media në një projekt të përbashkët të Odës së Zejtarëve të Dortmundit dhe Odës Ekonomike të Kosovës (2016–2018).
30 recensione të publikuara nëpër revista dhe gazeta ditore nga viti 2007 deri në 2024, si:
Naile Demiri jeton në Prishtinë me vajzën e saj.
