Kryetari i Këshillit Drejtues të Kolegjit AAB, Lulzim Tafa, u lind më 1970 në Lipjan, Republika e Kosovës. Studimet themelore dhe pasuniversitare i ka përfunduar në Fakultetin Juridik të Universitetit të Prishtinës, kurse studimet e doktoratës i ka përfunduar në Fakultetin Juridik të Universitetit publik të Sarajevës në temën “Krimi i organizuar në Kosovë në periudhën e tranzicionit”, për të fituar titullin Doktor i Shkencave Juridike.

Angazhimi akademik

Dr. LulzimTafa ka një përvojë të konsiderueshme si ligjërues i rregullt dhe i angazhuar por edhe profesor vizitor i lëndëve penale në disa universitete në Kosovë, por edhe jashtë saj.

Ka ushtruar funksione me rëndësi në tërë hierarkinë akademike, përfshirë poste menaxhuese në qendra kërkimore, fakultete dhenë shërbime universitare. Është anëtar i redaksive të disa revistave shkencore dhe anëtar i këshillave udhëheqëse të disa organizatave në fushën e shkencave juridike, të drejtave të njeriut, kriminalistikës, etj.

Kërkime dhe botime

Ka botuar libra shkencorë dhe monografi në fushën e kriminologjisë dhe të së drejtës penale në gjuhën shqipe dhe boshnjake.

Pjesëmarrës në shumë tryeza dhe simpoziume për çështje të të drejtave të njeriut, të kriminologjisë, të kriminalistikës etj.Kolumnist i rregullt në disa gazeta të përditshme si dhe portale informative në Kosovë dhe jashtë saj.

Gjithashtu,ka botuar edhe shtatë përmbledhje me poezi. Autor i shumë poezive, prozës, dramës, kritikës letrare. Poezitë e tij janë të përkthyera në disa gjuhë të botës dhe të përfshira në disa antologji, shpërblyer me shumë çmime letrare.

Veprat e tij deri më tani janë përkthyer në gjuhët angleze, gjermane, italiane, serbe/kroate, boshnjake, rumune, frënge, arabe,greke, turke dhe suedeze.

Librat e tij më të njohur janë:

“Gjaku nuk bëhet ujë”- përmbledhje me poezi, Rilindja, Prishtinë 1993

“ Metaforë e pikëlluar”- përmbledhje me poezi,Rilindja, Prishtinë 1995

“Planeti Babiloni”-poezi e dramatizuar,Rilindja, Prishtinë 1997

“ Vdekja çon fjalë”-përmbledhje me poezi, Prishtinë, 1998

“I kam edhe dy fjalë”-përmbledhje me poezi, Faik Konica, Prishtinë 2012

“Shtini n’dhe këto fjalë”-përmbledhje me poezi, Faik Konica, Prishtinë 2015

Shtëpi të njohura botuese nga mbarë bota kanë përkthyer dhe botuar librat e tij, kurse shkrimtarë e kritikë letrarë nga vendi dhe bota e kanë vlerësuar krijimtarinë e tij artistike. Për poezinë e Lulëzim Tafës, kanë shkruar dhe i kanë botuar ato edhe revistat më të njohura ndërkombëtare të fushës së letërsisë. Është njëri ndër poetët më të njohur dhe më të përkthyer të letërsisë shqipe në botë.

Disa nga librat e botuar në gjuhë të huaja janë: “Traumausstellung” në gjuhën gjermane, “Terrible songs” në gjuhën angleze në New York, ”Under manen sover tiderna” në gjuhën suedeze, ”Expozitie de vise” në gjuhën rumune, “La theorie de l’explication des reves”, në gjuhën frënge, “Vraziji Posao” në gjuhën boshnjake, “La cronica di unasantaGuerra” në gjuhën italiane, “Zavjet ne pjesme” në gjuhën malazeze,”Teuta” botim i dytë ne gjuhën rumune,”Dali Ti Imas Bolka” në gjuhën maqedone,etj.

Është anëtar i rregullt i Akademisë Evropiane të Shkencave dhe Arteve.

Jeton në Prishtinë.

Ligjëron lëndën:

E drejta penale

Ilir Tafa u lind në Lipjan më 1974. Është njëri ndër aktorët më të njohur dhe më të popullarizuar në Kosovë dhe jashtë vendit. Ai ka luajtur në shumë projekte filmike dhe teatrale në Kosovë dhe jashtë saj sidomos në Bosnje e Kroaci.

Ilir Tafa, me fillimin e studimeve nisi të zotërojë profesionin e aktorit, ku për një kohë shumë të shkurtër realizoi vepra brilante në teatër e kinematografi, si në vend ashtu edhe jashtë. Deri më tani ka luajtur në disa filma artistik dhe seriale,si dhe në shumë shfaqje teatrore, me role skenike nga më të ndryshmet si: ”Sonte jam vetëm”, ”Alo 038″, “Studio 2”, në filmat artistik “Atje ku nuk lind dielli”, “Shtëpia e tmerrit”, në serialet ”Kamera me yjet”, “Kandidati për president”, “Kaçurrelët”, “Zogjtë e luftës”.

Nga viti 2009 merr pjesë në shumë projekte artistike si në teatër, film dhe TV. Në gjithë hapësirën e ish-Jugosllavisë Ilir Tafa është bërë i njohur me serialin “Lud, Zbunjen, Normalan”.

Çmimi “Aktorit më të mirë”, iu nda nga Festivali i Filmit i Kosovës – Gjilan, Festivali i Komedisë Shqiptare, në Preshevë, Festivali Ballkanik i Teatrit, në Prishtinë dhe Festivali i Teatrove Shqiptare i mbajtur në Dibër të Maqedonisë.

Ilir Tafa mban gradën më të lartë universitare në fushën e aktrimit dhe është mësimdhënës i disa lëndëve. Jeton dhe vepron në Prishtinë.

Ligjëron lëndët:

Diksion II

Interpretim

CV

Research Interests: Development Management, Public Policies, Business Environment; Strategy  Post –Conflict Reconstruction and Restructuring  

Experience :  Professor Mustafa   is lecturing Development Management, Strategies and Policies of Economic Development and is experiencing in designing and managing public policies. He is Co-founder of Riinvest Institute ( 1995). and served as its president until 2010.  For two mandates   (2010-2017) was an MP at Kosovo Assembly (non – party affiliated) and Chaired the Comity for Economic Development, and Trade and  Industry.  Currently Senior Fellow at Riinvest Institute.  Experienced also in leading and managing projects within engagements at Riinvest Institute (more than 40 reports published). He published 10 University textbooks and monographs. 

Selected   publications :

• The Dialogue Kosovo –Serbia at a Crossroad , Dukagjini Publishing, 2019
• Ekonomia  e Kosovës/ Kosovan Economy , Editor and Co-Author (Economics with Case studies from Kosovo Economy ) RIINVEST, 2018
• Beyond the Solitude ( Retrospective  Monograph) , UET Press , Tirana 2016 
•  Muhamet Mustafa and Besnik A. Krasniqi  :Entrepreneurship in Kosovo Muhamet Mustafa and Besnik A. Krasniqi© Springer International Publishing AG, part of Springer Nature 2018 R. Palalić et al. (eds.), Entrepreneurship in Former Yugoslavia, https://doi.org/10.1007/978-3-319-77634-7_4
• Besnik Krasniqi & Muhamet Mustafa : .Small firm growth in a post-conflict environment: the role of human capital, institutional quality, and managerial capacities International Entrepreneurship and Management Journal volume 12, pages1165–1207(2016)
• M.Mustafa & L.Abdixhiku : Economic Development and Financial Situation article published at The Republic Of Kosovo the Youngest State, University of Jena and Baden –Baden; N. Verlag 2012. 
• M.Mustafa : Institutional Environment and management of the natural resources effective exploitation / Institutional Environment and Natural Resources Effective Management, ASHAK, Prishtina 2011. 
• Muhamet Mustafa, Alban Zogaj and Lumir Abdixhiku (2011) – “The challenges of reindustrialization in Kosovo”, Edizioni Scientifiche Italiane, Pubblicazione dell”Universita Politecnica delle Marche 
• When States Can’t be Trusted ( with R. Beilok)  paper for RMCI , Symposium for the security issues related to ICT, Florida, July 2005 

Selected Research Reports 

• Co- existing  with Covid -19 :  Three Axes of Resilience , Riinvest Institute  2020

• • Modifying Economic Growth Model in Kosovo ¸Riinvest Institute 2019   
  • Public Debt in Kosovo  and its Management , Riinvest Institute 2019 
  • Post –War Reconstruction : Strategy and Policies Riinvest( 2001)
  • Economic Activities and Democratic Development of Kosovo  ( Riinvest 1998)

Agim Vinca u lind më 22 maj 1947 në Veleshtë të Strugës, në Maqedoni. Shkollën fillore e kreu në vendlindje, ndërsa të mesmen në Strugë. Studimet për Gjuhë dhe Letërsi Shqipe i kreu në vitin 1970, në Fakultetin Filozofik të Universitetit të Prishtinës, ku edhe magjistroi dhe doktoroi. Është profesor në Fakultetin e Filologjisë të Universitetit të Prishtinës, ku ligjëron Letërsinë e Sotme Shqipe. Agim Vinca është njëri nga poetët e njohur bashkëkohorë shqiptarë dhe njëri ndër studiuesit më të dalluar të letërsisë shqipe. Agim Vinca merret edhe me përkthime letrare. Ka marrë pjesë në tribuna e konferenca shkencore në Prishtinë, Shkup, Tiranë, Stamboll, Romë, Paris, Nju- Jork, Berlin etj. Jeton dhe punon në Prishtinë.

Ibrahim Berisha (1955)- gazetar, shkrimtar, profesor.
Kreu studimet për filozofi-sociologji në Fakultetin Filozofik të Prishtinës. Studimet master i kreu në Fakultetin e Shkencave Politike në Zagreb dhe në Fakultetin Juridik në Prishtinë. U doktorua në fushën e sociologjisë së komunikimeve. Me shkrime nis të merret që nxënës, kur publikon poezi në revistën “Pionieri”. Vazhdon me gazetari dhe letërsi në revistën e studentëve “Bota e re” dhe revistën për rini “Zëri”. Nga viti 1978-1999 punoi gazetar dhe redaktor i kulrurës në gazetën ditore “Rilindja” dhe “Bujku”, pastaj redaktor në revistat “Fjala”, “Ora”, “Ekskluzive”, “Albanica”, “Jeta e re”. Themelues i Qendrës për Informim të Kosovës (1990) dhe udhëheqës i saj (1991-1993). Ishte në grupin inicues të themelimit të Lidhjes Demokratike të Kosovës (1989).
Nga viti 2001, punoi ligjërues i gazetarisë dhe sociologjisë së komunkimeve në Shkollën e Gazetarisë “Faik Konica” dhe në Kolegjin AAB në Prishtinë, pastaj në Departamentin e Sociologjisë në Prishtinë ku vazhdon të jetë profesor i lëndëve nga fusha e komunikimeve dhe kulturës.
Disa nga librat e tij që përfshijnë vepra sociologjike e kulturologjike, poezi, tregime e novela, janë: Rrjetet e Kulturës, Shkrimtarët 1988, Vdekja e Kolonisë, Death of Colony, Mediakultura, Utopia reale, Mediat-Agjensët e komunikimeve, Konvergjenca intelektuale, Media dhe tranzicioni, Sociokulturë, Gruaja e vetmisë, Fryma e shiut, Të martën mbrëma, Origjina e rinjohjes, Hardhia e mureve, Sipërfaqja e së dieles, Fundi është i mundshëm, Kafazi i frikës, Fisi i mbretërve të humbur etj. Ka numër të punimeve akademike të botuara nëpër revista vendore dhe ndërkombëtare. Është përkthyer dhe përfshirë në antologji, në gjuhën gjermane, angleze, frenge, suedeze, sllovene, boshnjake, malazeze, maqedone, rumune etj. Ka fituar çmimin vjetor për librin më të mirë botuar në Kosovë (Origjina e rinjohjes) më 1997 ndarë nga SHSHK, çmimin për librin më të mirë të prozës (Gruaja e vetmisë) më 2000 MNF Tetovë, Çmimin Vjetor të Ministrisë së Kulturës për librin më të mirë me ese (2009), Çmimi për vepër letrare-100 vjetori i PEN-it International (Aroma e qiellit (2021), etj.
Jeton në Prishtinë.

CV

Nedžad Korajlić u lind më 1963 në Bosnje dhe Hercegovinë. Ka kryer këto studime: Fakultetin për Siguri dhe Mbrojtje Publike në Shkup (1990), Shkollën e Lartë të Punëve të Brendshme në Beograd (1996), magjistraturën (2003) dhe doktoratën (2006) në Fakultetin për Kriminalistikë, Kriminologji dhe Studime të Sigurisë në Universitetin e Sarajevës.

Deri më tani ka punuar në shumë institucione dhe universitete të vendit dhe jashtë, ku ka ushtruar edhe pozita të larta udhëheqëse. Nga viti 2012 është dekan dhe profesor në Fakultetin për Kriminalistikë, Kriminologji dhe Studime të Sigurisë në Universitetin e Sarajevës, profesor në Kolegjin për Teknologji dhe Biznes në Doboj, profesor në Kolegjin “Logoscentar” në Mostar dhe profesor në Fakultetin Juridik të Universitetit të Sarajevës. Para vitit 2012 ka punuar profesor edhe në këto universitete: Universitetin e Zenicës, Universitetin e Travnikut, Universitetin e Beogradit, etj. Nga viti 2006 punon profesor në Fakultetin Juridik të Kolegjit AAB. Më 2016 u zgjodh edhe anëtar i Këshillit Drejtues të këtij institucioni.

Deri më tani ka publikuar mbi 50 punime shkencore, ka botuar edhe disa libra shkencor. Jeton dhe vepron në Bosnje dhe Hercegovinë.

Ligjëron lëndën:

Penologija

Adriatik Kelmendi u lind më 20 shkurt 1978 në Prishtinë. Është ligjërues në Fakultetin e Komunikimit Masiv në Kolegjin AAB. Po ashtu është edhe moderator, opinionist, gazetar, si dhe udhëheq emisionin “Rubikon”, i cili transmetohet në kanalin televiziv “Koha Vision”, ku trajtohen tema te ndryshme sociale. Po ashtu njihet dhe si shkrimtar dhe autor. Adriatik Kelmendi jeton dhe punon në Prishtinë.

Ligjëron lëndën:

Gazetari TV

CV

Ka lindur më 27 korrik 1983, në Prishtinë. Karrierën e tij sportive e ka filluar që nga mosha 7 vjeçare në klubin zvicerran FC “Laussane Sport”, ndërsa atë profesionale e ka filluar në Ligue 1 të Francës në vitin 2000, në klubin (PSG) Paris Saint Germain, më pastaj në Klubin (OM) “Olimpique de Marseille”, ku ishte edhe kapiten i ekipit.

Nga viti 2009-2010, vazhdoi karrierën në Angli, në ekipin e Premier Ligue “Sunderland”, ku ishte edhe kapiten i ekipit, pastaj 2010-2011, në Turqi në ekipin nga Stambolli “Galatasaray”, në vitet 2011-2014, për ekipin italian të Serie A “Lazio” Romë, dhe së fundi në ekipin francez FC “Nantes”.

Përveç ekipeve të përmendura Lorik Cana nga viti 2003 deri më 2016, ishte pjesë e Kombëtares së Shqipërisë si dhe kapiten i saj, ku edhe mban rekord nacional prej 93 ndeshjesh të luajtura për ekipin kombëtar të Shqipërisë.

Dekretet dhe nominimet:

Lorik Cana është dekretuar dhe nominuar në shumë pozita si:

• Ambasador i Sportit Shqipar, i nominuar në shtator 2018;
• Ambasador i “Grassroots” për programin e UEFA-s, tetor 2017;
• Ambassador Nderi i Kosovës, i dekretuar nga ish Presidentja e Kosovës znj. Atifete Jahjaga, 2015;
• Ambasador i Kombeve të Bashkuara – UNDP, për Objektivat e Mijëvjeçarit për Kosovë, dhjetor 2006;
• Ambasador i Kombit, i dekretuar nga ish Presidenti i Shqipërisë z. Bamir Topi, nëntor 2008;
• Ambasador i UNICEF-it për të Drejtat e fëmijëve në Shqipëri, tetor 2010;
• Ambasador special i sportit të Kosovës në botë, i emëruar nga Komiteti Olimpik i Kosovës, 2011;

Loriku Cana nga viti 2016, mban edhe statusin e Diplomatit të Republikës së Shqipërisë.

Aktivitetet e bëmirësisë:

Përveç kontributit që ka dhënë në fushën e sportit dhe kulturës, Loriku ka treguar personalitetin e tij edhe në fushën e bëmirësisë.

• Disa herë ka dhënë donacione për Fshatin e fëmijëve “SOS Kinderdorf” në Prishtinë;
• Duke qenë i pasionuar pas trashëgimisë kulturore shqiptare në vitin 2009, së bashku me kolegun e tij Igli Tare paguan një shumë prej 20.000 eurosh një koleksionari në Itali, për të rikthyer kokën e statujës të Zeusit e cila ishte vjedhur në vitin 1991, nga muzeu arkeologjik i Butrintit në Shqipëri. Statuja e Zeusit është një nga vlerat më të rralla dhe të çmueshme të arkeologjisë shqiptare dhe botërore e cila është e mbrojtur nga UNESCO.
• Duhet kujtuar se Loriku përveq se një kapiten i sukseshëm në fushën e futbollit, ka treguar prirje edhe në moderim, ai ka moderuar një spektakël të veçantë për shqiptarët. Ishte koncerti në Vatikan me rastin e shugurimit të Nënë Terezës, ku Loriku dhe Rita Ora moderuan me sukses ketë spektakël që ishte përcjelluar nga më tepër se 500 televizione botërore dhe miliona spektatorë.
• Loriku është themelues dhe Kryetar i Bordit të Fondacionit “LorikCana5-Foundation” në Shqipëri dhe degën në Kosovë. Qëllimi i Fondacionit është që të mbështesë dhe promovojë sportin, kulturën dhe trashëgiminë, përfshirë por pa u kufizuar në kulturën e ushtrimit të fëmijëve të moshës parashkollore dhe shkollore, zhvillimin e aftësive të tyre në fushën e sportit dhe të kulturës, përfshirjen e tyre aktive në sport dhe kulturë si dhe ngritjen dhe mbështetjen e një brezi të ri të orientuar drejt kulturës dhe sportit.

Fadil Vokrri – (23.06.1960-09.06.2018) – anëtar nderi

Fadil Vokrri u lind më 23 qershor të vitit 1960 në Podujevë, ndërsa ndërroi jetë më 09 qershor 2018.

Me futboll nisi të merrej si 15-vjeçar, kurse si 17-vjeçar debutoi në KF “Llapi” në Podujevë. Më pas në vitin 1980 kaloi tek KF “Prishtina”, ku luajti 84 ndeshje dhe shënoi 33 gola me këtë skuadër në Ligën e Dytë, kurse në Ligën e Parë të Jugosllavisë në fanellën e Prishtinës pati 88 paraqitje dhe realizoi 22 gola. Periudha e viteve të 80-ta ishte e artë për Vokrrin, i cili në vitin 1984 debutoi në ekipin përfaqësues të Jugosllavisë, duke u bërë futbollisti i vetëm shqiptar që u paraqit në Përfaqësuese, ku regjistroi 12 paraqitje dhe shënoi 6 gola. Në vitin 1986 u transferua te Partizani i Beogradit ku në 27 ndeshje shënoi 13 gola. Ai me meritë e fitoi epitetin e legjendës së futbollit kosovar, pasi ishte bartës i flamurit olimpik në Lojërat Olimpike Dimërore në Sarajevë në vitin 1984, derisa në vitin 1987 ishte shpallur lojtari më i mirë në Jugosllavi. Në vitin 1989 kaloi në Francë te skuadra Nimes dhe më pas u transferua në klubin turk, Fenerbahçe ku luajti me mjaft sukses në edicionet 1990-1992. Pas karrierës në kampionatin turk ai u rikthye në Francë ku jetoi me familjen dhe luajti edhe për disa vjet për skuadrat e niveleve më të ulëta franceze, Bourges dhe Montluçon, para se t’i jepte fund karrierës.

Pas çlirimit të Kosovës, ai u kthye në atdhe, fillimisht për ta ndihmuar ish-klubin e tij “Prishtina”, në postin e drejtorit, kurse më pas në shkurt të vitit 2008 e mori timonin e Federatës së Futbollit të Kosovës, si njeriu më i duhur për ta drejtuar FFK-në drejt anëtarësimit në UEFA e FIFA. Më 15 janar 2016, Vokrrit iu besua mandati i tretë katërvjeçar si kryetar i FFK-së, detyrë kjo që e ushtroi deri në fund të jetës së tij (09.06.2018).

Ai ishte i diplomuar në Fakultetin e Menaxhmentit dhe Biznesit. Përveç gjuhës amtare zotëronte edhe gjuhën frënge, turke dhe serbo-kroate.

Me vendim të Kolegjit AAB, Fadil Vokrri do të mbetet anëtar i përhershëm nderi i Këshillit Drejtues të Kolegjit AAB.

CV