Anëtarët e Këshillit Drejtues

Email
[email protected]
Tel
+383 38 600 005

Ilir Tafa

Kryetar i KD-së

Ilir Tafa u lind në Lipjan më 1974. Është njëri ndër aktorët më të njohur dhe më të popullarizuar në Kosovë dhe jashtë vendit.  Ai ka luajtur në shumë projekte filmike dhe teatrale në Kosovë dhe jashtë saj sidomos në Bosnje e Kroaci.

Ilir Tafa, me fillimin e studimeve nisi të zotërojë profesionin e aktorit, ku për një kohë shumë të shkurtër realizoi vepra brilante në teatër e kinematografi, si në vend ashtu edhe jashtë. Deri më tani ka luajtur në disa filma artistik dhe seriale,si dhe në shumë shfaqje teatrore, me role skenike nga më të ndryshmet  si: ”Sonte jam vetëm”, ”Alo 038″, “Studio 2”, në filmat artistik “Atje ku nuk lind dielli”, “Shtëpia e tmerrit”, në serialet ”Kamera me yjet”,  “Kandidati për president”,  “Kaçurrelët”,  “Zogjtë e luftës”.

Nga viti 2009 merr pjesë në shumë projekte artistike si në teatër,  film dhe TV.  Në gjithë hapësirën e  ish-Jugosllavisë Ilir Tafa është bërë i njohur me serialin “Lud,  Zbunjen,  Normalan”.

Çmimi “Aktorit më të mirë”,  iu nda nga Festivali i Filmit i Kosovës – Gjilan, Festivali i Komedisë Shqiptare, në Preshevë, Festivali Ballkanik i Teatrit, në Prishtinë dhe Festivali i Teatrove Shqiptare i mbajtur në Dibër të Maqedonisë.

Ilir Tafa mban gradën më të lartë universitare në fushën e aktrimit dhe është mësimdhënës i disa lëndëve.  Jeton dhe vepron në Prishtinë.

Ligjëron lëndët:

Diksion II

Interpretim

Email
[email protected]
Tel
+383 38 600 005

Gëzim Shabani

Nënkryetar i KD-së

Gëzim Shabani u lind më 4 shtator 1987 në Lipjan. Studimet bachelor në fushën e Ekonomisë (2010) dhe studimet master për Menaxhment dhe Informatikë (2013) i ka kryer në Kolegjin AAB. Ka përfunduar studimet e doktoratës në drejtimin e Turizmit, në Universitetin St. Kliment Ohridski në Maqedoni.

Ka ndjekur disa trajnime në fushën e menaxhimit dhe financave, po ashtu ka botuar punime shkencore në revista vendore e ndërkombëtare në fushën e menaxhimit, marketingut, turizmit. Është i certifikuar për kontabilitet dhe shkathtësi të komunikimit, është anëtar i Bordit të Institutit AAB për kontabilitet dhe auditorë të certifikuar.

Email
[email protected]
Tel
+383 38 600 005

Ekrem Kryeziu

Anëtar i KD-së

Ekrem Kryeziu u lind më 1943 në Pejë, Kosovë.  Është regjisor për film dhe televizion, autor filmi dhe producent filmi nga Kosova. Diplomoi në Akademinë e filmit në Beograd, dega e Dramaturgjisë, në klasën e prof.  Josip Kulungjic.  Si student ishte i angazhuar në redaksinë e gjuhës shqipe të TV Beogradit, ku ka punuar si skenarist, redaktor dhe  regjisor.  Lista e titujve të veprave të Kryeziut, si autor dhe regjisor është shumë e gjatë, deri më tani ka realizuar njëmbëdhjetë filma dokumentarë. Është themelues i kompanisë së prodhimit të filmit dhe muzikës “Labia”. Më 1996 themeloi degën e Dramaturgjisë në Fakultetin e Arteve të Universitetit të Prishtinës, të cilën e drejtoi për tre vjet dhe për disa vite në këtë fakultet ka punuar si profesor i dramaturgjisë. Merret edhe me publicistikë dhe analiza politike dhe tani radhitet si regjisori më produktiv në prodhimin e filmit, televizionit dhe teatrit në Kosovë. Jeton dhe punon në Prishtinë.

Email
[email protected]
Tel
+383 38 600 005

Adriatik Kelmendi

Anëtar i KD-së

Adriatik Kelmendi u lind më 20 shkurt 1978 në Prishtinë. Është ligjërues në Fakultetin e Komunikimit Masiv në Kolegjin AAB. Po ashtu është edhe moderator, opinionist, gazetar, si dhe udhëheq emisionin “Rubikon”, i cili transmetohet në kanalin televiziv “Koha Vision”, ku trajtohen tema te ndryshme sociale. Po ashtu njihet dhe si shkrimtar dhe autor. Adriatik Kelmendi jeton dhe punon në Prishtinë.

Ligjëron lëndën:

Gazetari TV

Email
[email protected]-edu.net
Tel
+383 38 600 005

Agim Vinca

Anëtar i KD-së

Agim Vinca u lind më 22 maj 1947 në Veleshtë të Strugës, në Maqedoni. Shkollën fillore e kreu në vendlindje, ndërsa të mesmen në Strugë. Studimet për Gjuhë dhe Letërsi Shqipe i kreu në vitin 1970, në Fakultetin Filozofik të Universitetit të Prishtinës, ku edhe magjistroi dhe doktoroi. Është profesor në Fakultetin e Filologjisë të Universitetit të Prishtinës, ku ligjëron Letërsinë e Sotme Shqipe. Agim Vinca është njëri nga poetët e njohur bashkëkohorë shqiptarë dhe njëri ndër studiuesit më të dalluar të letërsisë shqipe. Agim Vinca merret edhe me përkthime letrare. Ka marrë pjesë në tribuna e konferenca shkencore në Prishtinë, Shkup, Tiranë, Stamboll, Romë, Paris, Nju- Jork, Berlin etj. Jeton dhe punon në Prishtinë.

Email
[email protected]
Tel
+383 38 600 005

Arian Zeka

Anëtar i KD-së

Arian Zeka është Drejtor Ekzekutiv i Odës Ekonomike Amerikane në Kosovë. Ai është emëruar në këtë pozitë në qershor të vitit 2012, ndërsa organizatës i është bashkuar në nëntor 2009 duke shërbyer si Udhëheqës i Departamentit të Politikave, i promovuar më vonë në Zëvendësdrejtor të organizatës. Nën udhëheqjen e tij, Oda Amerikane gati ka trefishuar anëtarësinë e saj, duke u shëndrruar në njërën prej Odave Amerikane më të suksesshme në mesin e 45 Odave Amerikane anembanë Evropës. Ai është edhe anëtar ex-officio i Qendrës së Arbitrazhit.

Ai është anëtar i Këshillit Drejtues të Kolegjit AAB që nga janari i vitit 2016, derisa në të njejtën kohë shërben edhe si anëtar i Bordit të kompanisë së sigurimeve “SCARDIAN”, anëtar i Bordit i Fondacionit Jahjaga dhe Zëvendëskryesues i Rrjetit Kosovar të Përgjegjësisë Sociale Korporative. Nga janari i vitit 2009, ai ka shërbyer si Ligjërues i Lartë i lëndëve Analiza e Biznesit (P11) dhe Kontabilisti në Biznes (P3) për programet e certifikimit profesional: Kontabilist i Çertifikuar dhe Auditor i Çertifikuar. Ai ka shërbyer si Kryesues i Zyrës së Komunitetit të Biznesit pranë Kuvendit të Kosovës, dhe Kryesues i Këshillit Konsultativ Fiskal, Konsulent në Agjencinë Gjermane për Bashkëpunim Ndërkombëtar (GIZ), Programe të Bankës Botërore, etj.

Arian Zeka është Magjistër i Shkencës (MSc) në Menaxhment, si dhe pjesëmarrës i Programit të Lidershipit “Open World” të Librarisë së Kongresit të Shteteve të Bashkuara të Amerikës.

Email
[email protected]
Tel
+383 38 600 005

Fadil Vokrri (23.06.1960-09.06.2018) – anëtar nderi

Anëtar i KD-së

Fadil Vokrri u lind më 23 qershor të vitit 1960 në Podujevë, ndërsa ndërroi jetë më 09 qershor 2018.

Me futboll nisi të merrej si 15-vjeçar, kurse si 17-vjeçar debutoi në KF “Llapi” në Podujevë. Më pas në vitin 1980 kaloi tek KF “Prishtina”, ku luajti 84 ndeshje dhe shënoi 33 gola me këtë skuadër në Ligën e Dytë, kurse në Ligën e Parë të Jugosllavisë në fanellën e Prishtinës pati 88 paraqitje dhe realizoi 22 gola. Periudha e viteve të 80-ta ishte e artë për Vokrrin, i cili në vitin 1984 debutoi në ekipin përfaqësues të Jugosllavisë, duke u bërë futbollisti i vetëm shqiptar që u paraqit në Përfaqësuese, ku regjistroi 12 paraqitje dhe shënoi 6 gola. Në vitin 1986 u transferua te Partizani i Beogradit ku në 27 ndeshje shënoi 13 gola. Ai me meritë e fitoi epitetin e legjendës së futbollit kosovar, pasi ishte bartës i flamurit olimpik në Lojërat Olimpike Dimërore në Sarajevë në vitin 1984, derisa në vitin 1987 ishte shpallur lojtari më i mirë në Jugosllavi. Në vitin 1989 kaloi në Francë te skuadra Nimes dhe më pas u transferua në klubin turk, Fenerbahçe ku luajti me mjaft sukses në edicionet 1990-1992. Pas karrierës në kampionatin turk ai u rikthye në Francë ku jetoi me familjen dhe luajti edhe për disa vjet për skuadrat e niveleve më të ulëta franceze, Bourges dhe Montluçon, para se t’i jepte fund karrierës.

Pas çlirimit të Kosovës, ai u kthye në atdhe, fillimisht për ta ndihmuar ish-klubin e tij “Prishtina”, në postin e drejtorit, kurse më pas në shkurt të vitit 2008 e mori timonin e Federatës së Futbollit të Kosovës, si njeriu më i duhur për ta drejtuar FFK-në drejt anëtarësimit në UEFA e FIFA. Më 15 janar 2016, Vokrrit iu besua mandati i tretë katërvjeçar si kryetar i FFK-së, detyrë kjo që e ushtroi deri në fund të jetës së tij (09.06.2018).

Ai ishte i diplomuar në Fakultetin e Menaxhmentit dhe Biznesit. Përveç gjuhës amtare zotëronte edhe gjuhën frënge, turke dhe serbo-kroate.

Me vendim të Kolegjit AAB, Fadil Vokrri do të mbetet anëtar i përhershëm nderi i Këshillit Drejtues të Kolegjit AAB.

Email
[email protected]
Tel
+383 38 600 005

Nedžad Korajlić

Anëtar i KD-së

Nedžad Korajlić u lind më 1963 në Bosnje dhe Hercegovinë. Ka kryer këto studime: Fakultetin për Siguri dhe Mbrojtje Publike në Shkup (1990), Shkollën e Lartë të Punëve të Brendshme në Beograd (1996), magjistraturën (2003) dhe doktoratën (2006) në Fakultetin për Kriminalistikë, Kriminologji dhe Studime të Sigurisë në Universitetin e Sarajevës.

Deri më tani ka punuar në shumë institucione dhe universitete të vendit dhe jashtë, ku ka ushtruar edhe pozita të larta udhëheqëse. Nga viti 2012 është dekan dhe profesor në Fakultetin për Kriminalistikë, Kriminologji dhe Studime të Sigurisë në Universitetin e Sarajevës, profesor në Kolegjin për Teknologji dhe Biznes në Doboj, profesor në Kolegjin “Logoscentar” në Mostar dhe profesor në Fakultetin Juridik të Universitetit të Sarajevës. Para vitit 2012 ka punuar profesor edhe në këto universitete: Universitetin e Zenicës, Universitetin e Travnikut, Universitetin e Beogradit, etj. Nga viti 2006 punon profesor në Fakultetin Juridik të Kolegjit AAB. Më 2016 u zgjodh edhe anëtar i Këshillit Drejtues të këtij institucioni.

Deri më tani ka publikuar mbi 50 punime shkencore, ka botuar edhe disa libra shkencor. Jeton dhe vepron në Bosnje dhe Hercegovinë.

Ligjëron lëndën:

Penologija

Email
[email protected]
Tel
+383 38 600 005

Shkumbin Istrefi

Anëtar i KD-së

Shkumbin Istrefi u lind më 12 shkurt 1969 në Prishtinë. Familja e tij e ka prejardhjen nga Veleshta e Strugës së Maqedonisë. Studimet e aktrimit i kreu në Fakultetin e Arteve në Prishtinë, në klasën e aktorit Enver Petrovci dhe diplomoi në vitin 1994. Ka luajtur në shumë shfaqje në Teatrin Dodona dhe në Teatrin Kombëtar të Prishtinës. Më 15 korrik 2011, si aktor, i jepet posti në Këshillin Drejtues të Teatrit Kombëtar të Kosovës. Po ashtu punon si profesor në Fakultetin e Arteve në Universitetin e Prishtinës. Jeton dhe punon në Prishtinë.

Email
[email protected]
Tel
+383 38 600 005
Mob
+ 377 45 100 741

Azra Dešić

Asistente administrative në zyrën e KD-së

Sipas Statutit të Kolegjit AAB, Këshilli Drejtues është organi më i lartë drejtues i Kolegjit AAB.

Këshilli Drejtues përbëhet prej 11 (njëmbëdhjetë) anëtarëve me të drejtë vote dhe ata janë:

  • gjashtë anëtarë të zgjedhur nga themeluesi i Kolegjit AAB;
  • tre anëtarë të zgjedhur nga Senati, nga personeli akademik i Kolegjit AAB;
  • një anëtarë i zgjedhur nga Senati nga mesi i personaliteteve të njohur ndërkombëtare;
  • themeluesi i Kolegjit është anëtarë i përhershëm i Këshillit Drejtues.
  • Rektori dhe sekretari janë anëtarë ex-officio të Këshillit Drejtues pa të drejtë vote;

Me ftesë të Këshillit Drejtues, në mbledhjet e tij mund të marrë pjesë edhe kryetari i Unionit të Studentëve ose ai i Parlamentit të Studentëve, pa të drejtë vote, kur trajtohen çështje që kanë të bëjnë me studentët.

Këshilli Drejtues me shumicë votash mund të vendosë për rritjen e numrit të anëtarëve të tij dhe për emërim të personaliteteve të njohura si:
“ANËTAR NDERI” të Këshillit Drejtues me të drejta të plota.</ Anëtarë të Këshillit Drejtues nuk mund të zgjedhën; rektori, prorektorët, sekretari, dekanët, prodekanët dhe anëtarët e Senatit.

Përveç kompetencave të dhëna me këtë rregullore, Këshillit Drejtues do të ketë gjithashtu edhe këto kompetenca, por pa u kufizuar vetëm në to:

  • Miratimin e misionit dhe vizionit;
  • Miratimin e planit strategjik;
  • Përdorimin efikas të burimeve, kapaciteteve dhe ruajtjen e pronës së Institucionit;
  • Të vendosë në lidhje me themelimin, shuarjen dhe ndryshimin e strukturës së brendshme të njësive akademike dhe njësive organizative pasi që të jetë konsultuar me Senatin, si dhe të vendos për hapjen dhe shuarjen e njësive të veta nëpër qendrat e Kosovës sipas dinamikës së kërkuar;
  • Të vendosë për strukturën e përgjithshme organizative të njësive akademike, sipas propozimit të Senatit;
  • Të zgjedhë rektorin;
  • Vendos për investime kapitale;
  • Njëherë në vit mund të kërkojë nga menaxheri i Shërbimit të Financave që të informohet për gjendjen financiare, problemet dhe vështirësitë e paraqitura dhe mënyrën e zgjidhjes së tyre;
  • Të nxjerrë rregulloren e punës së Këshillit Drejtues;
  • Të vendosë për shpalljen e konkursit për pranimin e studentëve;
  • Vendos për lartësinë e pagesës për regjistrimin dhe shkollimin e studentëve;
  • Të vendosë për ndarjen e bursave për studentët e dalluar;
  • Mund t’i propozoj themeluesit plotësim dhe ndryshime për koston e shërbimeve;
  • Të vendosë për shfrytëzimin e mjeteve në mënyrë të efektshme dhe të frytshme;
  • Të nxjerrë rregulloren për procedurën dhe masat disiplinore;
  • Të formojë komisione, në pajtim me Statutin, komisione të cilat do të merren me çështje të veçanta nga fushëveprimi i tij;
  • Të vendosë për formën dhe përmbajtjen e stemës, vulës, vulës së thatë, flamurit dhe simboleve të tjera;

Të kryejë edhe punë të tjera në pajtim me ligjin dhe me këtë Statut.

INSTITUTI AAB
APLIKO