Dr.Sc

Lauresha Ramadani

Lauresha Ramadani ka lindur më 10 tetor 1987 në Prishtinë. Arsimin fillor e kreu në Glen Innes SchoolAuckland, Zelandë të Re, ndërsa arsimin e mesëm e përfundoi në Prishtinë. Në vitin 2008, përfundoi studimet Bachelor në “Inxhinieri Elektrike dhe Kompjuterike”Fakultetin e Inxhinierisë Elektrike dhe Kompjuterike të Universitetit të Prishtinës. Më pas, në vitin 2012 përfundoi studimet në nivel Master në Shkenca Kompjuterike dhe Inxhinieri pranë Universitetit për Biznes dhe Teknologji në Prishtinë.

Në vitin 2019, përfundoi doktoratën në Shkencat Kompjuterike në AIU University në Honolulu, Hawaii, SHBA, duke konsoliduar ekspertizën e saj në fushën e teknologjisë së informacionit.

Aktualisht, ajo është doktorante në Shkencat EkonomikeUniversitetin Mesdhetar të Shqipërisë në Tiranë, me fokus në inteligjencën artificiale dhe aplikimet e saj në sistemet ekonomike, transformimin digjital dhe teknologjitë inteligjente në ekonominë shqiptare.

Përvoja e saj profesionale filloi në vitin 2005 si Specialist Multimedia në kompaninë OBSCURE Multimedia, ku fitoi aftësi të avancuara në menaxhimin dhe prodhimin e përmbajtjeve multimediale dhe në përdorimin e sistemeve dixhitale. Nga viti 2008 deri në 2010, ajo punoi si Zhvillues SoftueriDATAPROGNET Software and Development Company, duke kontribuar në zhvillimin, testimin dhe implementimin e aplikacioneve dhe sistemeve softuerike të ndryshme.

Nga viti 2010 deri në 2016, ishte pjesë e Bankës Ekonomike, ku mbajti pozicionet e Specialistit të Operacioneve me Kartela dhe më pas IT Auditor. Në këto role ajo mori përgjegjësi për sigurinë, auditimin dhe funksionimin e sistemeve të informacionit, duke garantuar përputhshmërinë me standardet e brendshme dhe rregullatorët vendorë.

Në periudhën 2016–2020, mbajti pozicionin e Menaxherit IT, më pas Menaxherit të RiskutINSIG SH.A., ku menaxhoi sisteme komplekse të teknologjisë së informacionit dhe zhvilloi politika efektive për identifikimin dhe parandalimin e rreziqeve operative. Nga viti 2021 deri më 2024, ishte Menaxher i RiskutEUROSIG SH.A., ndërsa që nga viti 2025 mban pozicionin e Koordinatorit të Njësisë së Menaxhimit të Riskut në KS ILLYRIA Insurance Company.

Ajo zotëron aftësi të avancuara në menaxhimin e sistemeve informatike dhe teknologjive të informacionit, të cilat i aplikon jo vetëm në sektorin privat por edhe në rolin e saj akademik.

Që nga viti 2020, ajo është pjesë e stafit të rregullt në Kolegjin AAB, ku ligjëron lëndët Inxhinieri Softuerike, Menaxhim Risku dhe Përgjigje ndaj Incidenteve dhe Menaxhim i Projekteve Softuerike, në nivel bachelor.

Punimet shkencore dhe konferencat – Kontributi i saj në fushën shkencore përfshin një sërë publikimesh në revista të indeksuara në SCOPUS, me fokus në tema si optimizimi i kujdesit shëndetësor dhe përmirësimi i modeleve të parashikimit të diabetit për përpunim të avancuar të të dhënave shëndetësore. Këto punime janë prezantuar në konferenca ndërkombëtare dhe janë botuar në revista prestigjioze, duke reflektuar angazhimin e saj në fushën e inteligjencës artificiale dhe teknologjisë së informacionit.

Ramadani, L. (2025). Optimizimi i kujdesit shëndetësor: Përmirësimi i menaxhimit të sëmundjeve me sistemet e rekomandimit. Në: Proceedings of the International Conference on Innovative Computing and Communications (ICICC 2025). Advances in Intelligent Systems and Computing, vol. 2146. Springer, Singapor, fq. 119–127. Publikim i parë online: 18 Prill 2025.
DOI: https://link.springer.com/chapter/10.1007/978-981-97-9515-4_9

Ramadani, L. (2025). Optimizimi i modeleve të parashikimit të diabetit për përpunim më të avancuar të të dhënave shëndetësore. Në: Recent Trends in Intelligence Enabled Research (ISSIP 2024). Lecture Notes in Electrical Engineering, vol. 1269. Springer, Singapor, fq. 129–140. Publikim i parë online: 18 Prill 2025.
DOI: https://link.springer.com/chapter/10.1007/978-981-97-9515-4_10

Ramadani, L. (2025). Zbulimi i Frakturave të Kockave duke Përdorur Python, prezantuar në Konferencën Ndërkombëtare mbi Inteligjencën Artificiale, organizuar nga AAB College në bashkëpunim me University of New York Tirana, Universitetin e Tiranës dhe Universitetin e Evropës Juglindore, Prishtinë, 13 Maj 2025.

Kapituj librash – Lauresha Ramadani është autore e pesë kapitujve të pranuar për botim në librin ndërkombëtar të botuar nga Springer me titull Internet of Vehicles: Scope and Application of Artificial Intelligence-Based Technologies (2025). Këta kapituj trajtojnë tema të avancuara në fushën e sigurisë kibernetike, privatësisë, inteligjencës artificiale dhe ndërveprimit njerëzor në sistemet e Internetit të Gjërave (IoT) dhe Internetit të Automjeteve (IoV). Kapitujt përfshijnë:

  • Ramadani, L. Security and Privacy in the Internet of Vehicles (IoV) Using Machine Learning and Deep Learning
  • Ramadani, L. Enhancing User Experience in the Internet of Vehicles: The Role of Natural Language Processing (NLP)
  • Ramadani, L. Collaborative Security Approaches for IoT Ecosystems
  • Ramadani, L. Human Factors and Social Engineering in IoT Attacks
  • Ramadani, L. Modern Privacy Preserving Strategies for IoT Security

Ajo vazhdon të jetë aktive dhe e angazhuar në kërkimin shkencor dhe zhvillimin e teknologjisë, duke kontribuar në avancimin e njohurive dhe zgjidhjeve inovative në fushat e saj të ekspertizës.

Është e martuar, ka dy fëmijë dhe jeton në Prishtinë.