Pranvera Dalloshi ka lindur me 26 Prill 1985
Përvoja profesionale dhe akademike: Prof. Ass. Dr. Pranvera Dalloshi është akademike dhe menaxhere me përvojë të gjatë në sektorin bankar, privat dhe atë të arsimit të lartë në Kosovë. Karriera e saj profesionale filloi në vitin 2006 si Oficere e Marrëdhënieve me Klientë në Raiffeisen Bankë në Kosovë (https://www.raiffeisen-kosovo.com/), ku ka vazhduar të avancojë profesionalisht në pozita të ndryshme si: Kontabiliste Junior (2009-2013), Kontabiliste Tatimore (2013), Specialiste e Raportimit Financiar (2014-2018) dhe Specialist i Lartë i Raportimit Financiar (2018-2019).
Gjatë viteve 2011-2023, ajo ka shërbyer gjithashtu si Menaxhere Operacionale dhe Financiare në kompaninë Bliss sh.p.k (https://www.bliss-ks.com/), ndërsa që nga viti 2023 mban rolin e Drejtores Ekzekutive (CEO) të kësaj kompanie. Bliss sh.p.k. është një kompani që operon në sektorin e tregtisë, duke zhvilluar një rrjet të suksesshëm shitjesh dhe bashkëpunimesh me brende të njohura në treg. Përveç kësaj, ajo ka kontribuar edhe si konsulente softueri për kompaninë TekKos në Prishtinë (https://stom.io/home/), ku ka ndihmuar në përputhjen e zgjidhjeve digjitale me nevojat financiare dhe operative të bizneseve.
Përveç angazhimeve në sektorin privat dhe bankar, Dr. Dalloshi ka patur dhe vazhdon të ketë rol aktiv në arsimin e lartë. Në periudhën 2014-2015 ka punuar si asistente mësimdhënëse në
Fakultetin Ekonomik të Universitetit të Prishtinës (https://ekonomiku.uni-pr.edu/), ndërsa nga viti 2019 e deri më sot është pjesë e stafit akademik në Kolegjin AAB, ku mban pozitën e Profesores Asistente (https://aab-edu.net/en/persons/pranvera-dalloshi-2/)
Ajo ligjëron në nivelin bachelor dhe master lëndë të fushave të ekonomisë, financave dhe menaxhimit, si: Menaxhimi i Operacioneve, Menaxhimi i Sistetmit të Informatave, Menaxhimi i Proceseve dhe Informatave, Kontabiliteti Menaxhmerial, Menaxhmenti i Performances dhe të tjera. Po ashtu, për tri vite ka ligjeruar lënden” Ligjet dhe rregulloret evropiane të biznesit” në kuadër të një projekti të financuar nga Erasmus , ku udhëheqës i këtij projekti është Kolegji AAB. (https://aab-edu.net/permbyllet-suksesshem-semestri-i-studimeve-master-ne-kolegjin-aab/)
Edukimi:
Dr. Pranvera Dalloshi diplomoi në vitin 2006 në drejtimin Banka, Financa dhe Kontabilitet, në Fakultetin Ekonomik, Universiteti i Prishtinës. Në vitin 2010 ka përfunduar studimet master në të njëjtin fakultet, duke fituar titullin Master i Shkencave Ekonomike (MSc), me tezën: “Metodat më të reja të çmimeve interne dhe aplikimi i tyre – rast studimi: Sharrcem”. Në vitin 2019 ka fituar titullin Doktor i Shkencave Ekonomike në fushën e ekonomiksit në po të njëjtin fakultet, me disertacionin: “Financimi i bizneseve përmes kredive bankare dhe ndikimi i tij në vlerën e investimeve në Kosovë: analizë krahasuese me disa vende të Evropës Juglindore” (https://uni-pr.edu/).
Ajo gjithashtu ka ndjekur trajnime profesionale në fushën e kontabilitetit dhe financave, përfshirë mbajtjen e titujve Teknik i Kontabilitetit (2010) dhe Kontabilist i Certifikuar (2011) nga Shoqata e Kontabilistëve dhe Auditorëve të Certifikuar të Kosovës. (Link)
Përvojë ndërkombëtare:
Në prill të vitit 2024, Dr. Dalloshi mori pjesë si pjesëmarrëse dhe lektore e ftuar në International Staff Week të organizuar nga SMK University of Applied Sciences në Vilnius, Lituani (23–26 Prill 2024). Gjatë këtij aktiviteti ndërkombëtar me temën “Empowering Education Through Research Integration: Global Practices and Insights”, ajo mbajti ligjërata për studentët e nivelit bachelor mbi temën: “Përmbledhje e sektorit bankar në vendet në zhvillim – rasti i Kosovës” (Overview of the Banking Sector in Developing Countries – the context of Kosovo).
Udhëheqëse akademike e temës së masterit: Në rolin e saj si mentore akademike në kolegjin AAB, Dr.Dalloshi ka udhëhequr me përkushtim procesin e hartimit dhe mbrojtjes së rreth 13 temave të diplomës në nivelin Master, në fushat e ekonomisë, financave dhe menaxhimit. Temat e trajtuara përfshijnë analiza empirike dhe studime rasti të rëndësishme që kontribuojnë në zhvillimin institucional dhe të sektorit privat në Kosovë.
Fushat e interest të kërkimit shkencor:
Zhvillimi dhe ndikimi i sektorit bankar në ekonomi, dixhitalizimi dhe aftësitë digjitale në tregjet në zhvillim, mjedisi i biznesit, sjellja e konsumatorit në ekonominë qarkulluese dhe ndikimi i rregulloreve të BE-së në ekonomitë prodhuese.
Gjuhët e huaja: Flet rrjedhshëm gjuhën angleze
Artikujt shkencor:
Kontributi shkencor përfshinë një numër publikimesh në revista të indeksuaranë platforma të rëndësishëm ndërkombëtare:
Dalloshi, P. (2012). Transfer Pricing: Is the comparable uncontrolled method the best method in all cases? OEconomica , Vol 8, No 6 (2012), 68-77; https://journals.univ-danubius.ro/index.php/oeconomica/article/view/1528
Dalloshi,P. (2018). The nexus between bank sources and firms capital expenditures in SEE countries. OEconomica , Vol 15, No 5 (2018), 255-267; https://journals.univ-danubius.ro/index.php/oeconomica/article/viewFile/4982/4594
Dalloshi,P. & Badivuku, M. (2018).Empirical assessment of the impact of banking sector development on firm external financing, using the MELR model. WSEAS TRANSACTIONS on BUSINESS and ECONOMICS, vol.15 (2018), 512-521; https://wseas.com/journals/articles.php?id=2424
Dalloshi, P., Misini, Sh., & Hoti, A. (2020). Analysing business environment- Power outages as an obstacle for firms. THESIS – Vol. 9, No. 2, Autumn 2020 pp.263-280; https://hrcak.srce.hr/file/364917
Bushati, A., & Dalloshi,P. (2021). Does Performance Audit Recognise Improvements in Procurement Activities Leading to Enhanced Value for Money? Journal of Accounting, Finance and Auditing Studies, 2021 Vol. 7 No.4 pp.134-150; https://www.acadlore.com/article/JAFAS/2021_7_4/jafas.2021.037
Dalloshi, P. (2022). Financial Development Measurement: Comparison Of The High- And Low-Income Countries. Journal of Governance and Regulation Vol. 11, No. 2, pp.41-49; https://virtusinterpress.org/IMG/pdf/jgrv11i2art4.pdf
Shabani, L., Behluli, A., Qerimi, F., Pula, F., & Dalloshi, P. (2022). The effect of digitalization on the quality of service and customer loyalty. Emerging Science Journal, 6(6), 1274–1289. https://doi.org/10.28991/esj-2022-06-06-010
Dalloshi, P., & Kyqyku,D. (2023). Digital skills as an impetus for the acceleration of economic digitalization – EU perspective. Corporate Governance and Organizational Behaviour Review 7(3), 365–374; https://virtusinterpress.org/Digital-skills-as-an-impetus-for-the-acceleration-of-economic-digitalization-EU-perspective.html
Bislimi, F., Dalloshi, P., Mehmeti, I., Tërstena, A., & Gazmend, D. (2024). Digital readiness in emerging markets: The role of digital skills and connectivity in driving digital economy. International Journal of Religion, 5(11), 4316–4324; https://www.ijor.co.uk/ijor/article/view/6692/3650
Bislimi, F., & Dalloshi, P. (2025). Bridging awareness and action: Understanding consumer profile for a circular economy in Kosovo. International Journal of Sustainable Development and Planning, 20(2), 565–576; https://www.iieta.org/journals/ijsdp/paper/10.18280/ijsdp.200209
Dalloshi, P., Borovci, M., & Rexha, D. (2025). The transformative impact of EU product requirements on costs and revenues in the manufacturing sector in a developing economy. International Journal of Sustainable Development and Planning, 20(5), 2193–2203; https://www.iieta.org/journals/ijsdp/paper/10.18280/ijsdp.200534
Pjësemarrja në konferenca shkencore:
Dr. Dalloshi ka marrë pjesë aktive me prezantime të punimeve shkencore në konferenca kombëtare dhe ndërkombëtare:
Kontribute të tjera kërkimore:
Që nga viti 2022, Dr. Pranvera Dalloshi është anëtare e ekipit të projektit “Ligjet dhe rregulloret evropiane të biznesit – Konkurrenca në Evropë”, një projekt i financuar nga Erasmus+, me Kolegjin AAB si institucion udhëheqës. Në kuadër të këtij projekti të rëndësishëm që synon rritjen e njohurive mbi kornizën ligjore evropiane për bizneset kosovare, ajo ka kontribuar si autore e parë e manualit “Të bësh biznes në Evropë” (Qershor 2023), një botim i dedikuar për ndërmarrjet që synojnë tregun e BE-së. Projekti, në kuadër të Jean Monnet Action, synon: ofrimin e një moduli mësimor mbi ligjet dhe rregulloret evropiane të biznesit, përgatitjen e një manuali për legjislacionin relevant të BE-së, dhe zhvillimin e kërkimeve nga stafi akademik dhe studentët mbi ndikimin e këtyre rregulloreve në krijimin dhe funksionimin e bizneseve në Kosovë. (Link)
Infromata personale: Është e martuar, ka tre fëmijë dhe jeton në Prishtinë.
