Përfshirja e studentëve në aktivitete praktike me fëmijët parashkollorë
Më 10, 11 dhe 12 shtator 2025, studentët e Fakultetit të Shkencave Sociale të Kolegjit AAB organizuan aktivitete edukative dhe argëtuese në tre institucione parashkollore të Prishtinës: Kopshti “LONI”, Kopshti “DUANA” dhe Kopshti “ARBA’S Day School”.
Qëllimi i këtyre aktiviteteve ishte krijimi i një mjedisi ndërveprues me fëmijët e moshave parashkollore, duke aplikuar në praktikë njohuritë e fituara gjatë studimeve, si dhe duke ofruar aktivitete të përshtatura me stinën e vjeshtës.
Aktivitetet në kopshtet e Prishtinës
Studentët udhëhoqën fëmijët në ngjyrosjen e pamjeve me motive të vjeshtës dhe zhvilluan lojëra kreative, si mbledhja e gjetheve dhe futja e tyre në shporta. Aktiviteti u përmbyll me shpërndarjen e dhuratave simbolike me logon e Kolegjit AAB.
Me të njëjtën tematikë, fëmijët morën pjesë me entuziazëm në lojëra kolektive dhe ngjyrosën vizatime me motive vjeshte. Në fund, fëmijët pranuan dhurata me logon e Kolegjit AAB.
Aktivitetet u përsëritën në të njëjtin format, duke përfshirë fëmijët në veprimtari kreative që ndihmojnë në zhvillimin e aftësive motorike dhe shprehjes emocionale. Edhe këtu, fëmijët pranuan dhurata nga stafi dhe studentët e Kolegjit AAB.
Vlerësimi dhe ndikimi
Aktivitetet u vlerësuan pozitivisht nga drejtuesit e kopshteve, të cilët theksuan kreativitetin, kujdesin dhe qasjen profesionale të studentëve. Studentët e Shkencave Sociale të Kolegjit AAB dëshmuan përgatitje të lartë profesionale dhe aftësi të shkëlqyera komunikimi me fëmijët, duke kontribuar në lidhjen e teorisë me praktikën në mënyrë të suksesshme.
