Kjo konferencë synon të shërbejë si një vendtakim për studiuesit dhe gjuhëtarët shqiptarë dhe të huaj në mënyrë që ata të prezantojnë studimet dhe hulumtimet e tyre; të shkëmbejnë përvojat e tyre akademike dhe hulumtuese; si dhe të krijojnë mundësi bashkëpunimi për projekte të reja shkencore në të ardhmen.

Shtyllat kryesore në të cilën konferenca do të bazohet janë: gjuhësia, letërsia angleze dhe amerikane, metodologjia e mësimdhënies, inovacionet në të mësuarit e gjuhës angleze dhe studimeve ndërkulturore.

Meqenëse viti 2016 shënon 400 vjetorin e vdekjes së Shakespeare-it, sesioni plenar do të hapet me veprat e tij me anë të kumtesave të prezantuara nga studiues të shquar të letersisë Shekspiriane për të vazhduar më tej me kumtesat në gjuhësi dhe metodologji.