Në kuadër të projektit të financuar nga “Sakarya Üniversitesi Türk Dünyasi Uygulama ve Araştirma Merkezi“ përkrahjen e Prof. Dr. Ahmet Vecdi Can dhe Köksal Şahin, si dhe përkrahjen e Kolegjit AAB,  dekanja e Fakultetit të Shkencave Sociale, Prof. Saranda Shatri, dhe Prof. Nalan Kazaz, së bashku me një grup studentësh nga programi Përkujdesje dhe Mirëqenie e Fëmijëve, realizuan vizitë studimore në Universitetin e Sakaryas, në Turqi.

Qëllimi i vizitës ishte shkëmbimi i përvojave akademike dhe profesionale si dhe forcimi i bashkëpunimit ndërinstitucional në fushën e edukimit dhe mirëqenies së fëmijëve. Gjatë vizitës janë zhvilluar disa takime me përfaqësues të lartë akademikë të Universitetit të Sakaryas, si me prorektorin e Universitetit të Sakaryas, Prof.Dr. Mehmet Bariş Horzum, dekanin e Fakultetit të Edukimit Doç.Dr. Suat Kol si dhe profesorin Mehmet Kaya nga Departamenti i Psikologjisë.

Kjo vizitë studimore përfaqëson një hap të rëndësishëm drejt avancimit të përvojës akademike të studentëve dhe thellimit të bashkëpunimit me institucione të njohura ndërkombëtare.