Më 2 prill, në kuadër të Ditës Botërore të Autizmit është mbajtur panel diskutimi i organizuar nga Fakulteti i Psikologjisë në Kolegjin AAB, të cilin e udhëhoqi dekani Naim Telaku.

Në panel morën pjesë: Salie Osmankaq nga Ministria e Arsimit që drejton Divizionin për Arsimin e Fëmijëve me Nevoja të Veçanta, Jeta Deva nga Asociacioni Nacional i Autizmit në Kosovë, Albin Dilani i riu që ballafaqohet me autizëm dhe Mimoza Kuqi profesoreshë në Kolegjin AAB.

Gjatë diskutimit u trajtuan tema të ndryshme si: rëndësia e diagnostikimit të hershëm, përfshirja e fëmijëve me autizëm në arsim dhe sfidat me të cilat përballen.

Panelistët theksuan rëndësinë e mbështetjes dhe politikat gjithëpërfshirëse, për të pasur një shoqëri të hapur dhe të barabartë për të gjithë.

Kjo ngjarje shërbeu si hap drejt forcimit të solidaritetit dhe krijimit të një mjedisi sa më të hapur për personat në spektrin e autizmit.