Bleona Kasami dhe Alban Asllani, studentë të Fakultetit të Kulturës Fizike dhe Sportit në Kolegjin AAB, kanë përfaqësuar Kosovën në Kampionatin Botëror të “Fitness Challenge” në Spanjë. Pjesëmarrja e tyre në këto gara vjen pas rezultateve rekord që ata patën në Kampionatin e Kosovës, që u mbajt në gusht të këtij viti organizuar nga Federata e Fitnesit dhe Bodybuildingut të Kosovës dhe Fakulteti i Kulturës Fizike dhe Sportit në AAB.
Alban Asllani arriti vendin e shtatë në botë në kategorinë “Gold Senior”, ndërsa Bleona Kasami vendin e nëntë në botë në kategorinë “Silver Senior”.
Kolegji AAB përgëzon Albanin dhe Bleonën për arritjet e tyre, duke iu uruar suksese të mëtutjeshme edhe në të ardhmen.