Kulturë Fizike dhe Sport

Qëllimi dhe profili i programit

Programi Master në Kulturë Fizike dhe Sport ka si qëllim përgatitjen e specialistëve në Kulturën Fizike dhe Sporte që mund të përmbushin kërkesat e tregut të punës në nivel kombëtar, rajonal dhe ndërkombëtar. Të diplomuarit e këtij programi pajisen me njohuri të avancuara dhe të specializuara, duke i mundësuar ata të marrin role udhëheqëse bazuar në ekspertizë të bazuar në kërkime të aplikuara. Për më tepër, të diplomuarit do të luajnë një rol kyç në zhvillimin dhe implementimin e politikave që nxisin përparimin në fushën e kulturës fizike dhe sporteve.

Objektivat e programit MA në Kulturë Fizike dhe Sport janë si më poshtë:

• T’i ofrojë studentëve njohuri të avancuara teorike dhe praktike në kulturën fizike, shkencat e sporteve dhe shëndetin publik.
• T’i pajis studentët me aftësi të forta kërkimore, duke i mundësuar ata të kryejnë kërkime shkencore të pavarura dhe me cilësi të lartë duke përdorur qasje ndërdisiplinore dhe metodologji të bazuara në prova.
• Të zhvillojë vlera të forta etike dhe përgjegjësinë profesionale, duke siguruar që diplomuarit të mbajnë integritetin në sport, promovimin e shëndetit dhe edukatën fizike.
• Të zhvillojë aftësinë e studentëve për të analizuar dhe komunikuar çështje komplekse në performancën sportive, edukatën fizike dhe shëndetin publik në një mënyrë të qartë dhe bindëse.

Misioni

Misioni i programit MA në Kulturën Fizike dhe Sport është: “tё pajis studentët me kompetenca të avancuara dhe të specializuara teorike dhe praktike, të cilët do të jenë të përgatitur për të udhëhequr dhe kryer kërkime shkencore ndërdisiplinore dhe për të menaxhuar projekte inovative të lidhura me përmirësimin e shëndetit publik, rritjen e performancës sportive, si dhe zhvillimin e strategjive për promovimin e një stili jetese të shëndetshëm dhe të qëndrueshëm”.

Bartësit e programit tё studimit

• Dr. Sc. Blerim Sylejmani

Rezultatet e tё nxënit

Pas përfundimit të suksesshëm të programit MA në Kulturë Fizike dhe Sport, studenti do të jenë nё gjendje tё demonstrojnë këto njohuri, shkathtësi dhe kompetenca:

Njohuri:

• të demonstrojë njohuri të avancuara dhe të specializuara për konceptet e edukimit fizik dhe të jetë në gjendje ta arsyetojë atë nëpërmjet artikulimit me gojë dhe me shkrim;
• të interpretojë kërkime në një fushë të specializuar kërkimore, duke përdorur literaturën burimore shkencore dhe zbatojë gjetjet e rëndësishme të kërkimit për të zgjidhur problemet në profesionin e tyre;
• të demonstrojë gamën e nevojshme të aftësive vëzhguese, analitike dhe vlerësuese të programeve përkatëse si dhe të sintetizojë dhe zbatojë konceptet teorike nga literatura kërkimore në fushën e zgjedhur të specializimit;
• të analizojë dhe të interpretojnë të dhëna empirike duke përdorur teknika moderne kërkimore dhe metoda statistikore të avancuara.
• krijon projekte profesionale dhe veprimtari organizative, menaxheriale dhe metodologjike në departamentet arsimore, shkencore dhe sportive të institucioneve dhe ndërmarrjeve sportive;

Shkathtësi:

• të komunikoj në mënyrë efektive, të lexojë dhe të shkruajë në mënyrë analitike, të analizojë dhe të paraqesë informacione komplekse në mënyrë të qartë dhe koncize para një auditori të specializuar;
• të zhvilloj qasje inovative për hartimin e projekteve shkencore të natyrës ndërdisiplinare në funksion të zhvillimit të profesionit
• të përdorë aftësitë e të menduarit kritik dhe të zgjidhjes së problemeve përmes zhvillimit dhe udhëheqjes së strategjive të reja, aftësi për të menduarit abstrakt, analizë dhe për vetë-zhvillim, vetë-realizim, përdorim të potencialit krijues dhe të mësuarit gjatë gjithë jetës.
• të hartojë në mënyrë të pavarur projekt propozimin dhe strategjinë kërkimore duke kryer një projekt kërkimor në formën e tezës përfundimtare të Masterit;

Kompetenca:

• të demonstrojë kompetencë për të kryer planifikimin dhe zbatimin e procesit të edukimit fizik, trajnimit, rekreacionit, aktiviteteve, punës menaxheriale dhe administrative në institucionet sportive;
• të jetё i aftë të kryej kërkime shkencore të pavarura duke përdorur metodologji moderne kërkimore dhe teknika analitike për adresuar probleme të shkencës moderne në fushën e kulturës fizike dhe sporteve përmes zhvillimit të teorisë dhe të menduarit metodologjik;
• të përdor teknologjinë moderne dhe qasjet inovative për kërkimin shkencor në zgjidhjen e problemeve kërkimore, duke përfshirë fushat përkatëse të shkencës;
• aftësitë për të punuar në ekipe multidisiplinare, për të përmirësuar rezultatet e trajnimit dhe mirëqenien në komunitet

Pranimi nё studime

Sipas nenit 6 të Rregullores pёr Studime Master, studimet Master kanë të drejtë t’i regjistrojnë të gjithë ata kandidatë të cilët i kanë përfunduar studimet themelore Bachelor dhe që kanë fituar së paku 180 ECTS, përkatësish 240 ECTS. Tutje, kushtet për pranim në studimet Master janë:

• të kenë mbaruar nivelin Bachelor të studimeve në një institucion të akredituar dhe të njohur të arsimit të lartë në vend ose jashtë vendit;
• të kryejnë me sukses procedurën përzgjedhëse;
• kompletimi me sukses i procedurës përzgjedhëse;
• kompletimi i dosjes me dokumentacionin formal ashtu siç përcaktohet nga MASHT.

Numri i vendeve për studim

Numri i vendeve për studim sipas vendimit të AKA-së është 40 studentë për vit akademik.

Njohja e kualifikimeve

Në bazë të Rregullores për Studime Master të Kolegjit AAB, njohja e kualifikimeve dhe transferi i studimeve rregullohen nga Nenet 9, 10, 11. Këto nene përcaktojnë kushtet, kriteret dhe procedurat për pranimin e studentëve nga institucione të tjera të arsimit të lartë, mënyrën e realizimit të transferimit, si dhe procesin e njohjes dhe barazvlerësimit të lëndëve të studiuara më parë.

Kohëzgjatja dhe numri i ECTS-ve

Studimet në Programin MA Kulturë Fizike dhe Sport zgjasin 1 vit, 60 ECTS me gjithsej 2 semestra.

Niveli dhe Grada Akademike

Me rastin e përfundimit të studimeve, studentët fitojnë thirrjen akademike Master i Arteve në Kulturë Fizike dhe Sport.

Perspektivat e punësimit tё studentëve

Të diplomuarit nga programi MA në Kulturë Fizike dhe Sport kanë mundësi të gjera punësimi si trajnerë personalë në qendra fitnesi dhe aktivitete fizike në mjedise të ndryshme, duke ofruar këshillim profesional dhe duke udhëhequr programe trajnimi për individë dhe grupe. Ata kanë mundësi të angazhohen në mësimdhënie në institucione edukative dhe institucione sportive, si dhe të kontribuojnë në përgatitjen dhe zhvillimin e sportistëve në nivele të ndryshme.

Një dimension i rëndësishëm i këtij programi është përgatitja e kuadrove për udhëheqjen dhe administrimin e institucioneve sportive në nivel qendror dhe lokal, si dhe të klubeve dhe shkollave sportive në Kosovë. Të diplomuarit gjithashtu kanë mundësi punësimi në klube dhe federata sportive.

Metodat e vlerësimit

Format e vlerësimit në nivelin Master synojnë të masin jo vetëm arritjen e rezultateve të të nxënit në aspektin akademik, por edhe përgatitjen e studentëve për tregun e punës. Vlerësimi realizohet përmes një kombinimi metodash, përfshirë provime me shkrim, vlerësim të shkathtësive praktike, projekte, detyra, studime rasti dhe prezantime me gojë. Studentët vlerësohen gjithashtu nëpërmjet raporteve individuale kërkimore, raporteve reflektuese dhe punës së pavarur në kuadër të disertacionit, praktikës profesionale, konsulencës ose simulimeve, duke zhvilluar aftësi kërkimore, analitike, etike dhe profesionale.

Tё dhënat pёr kalueshmërinë, braktisjen e studimeve dhe punësimin

BRAKTISJA E STUDIMEVE <14% PUNËSUESHMËRIA E STUDENTËVE >90% SUKSESI I STUDENTËVE NË PROVIME 8.5

Tё drejtat e studentëve

Studentët e Kolegjit AAB, bazuar në Statutin dhe Rregulloren e Studimeve MA, gëzojnë të drejtën të marrin pjesë në ligjërata dhe aktivitete akademike, të përdorin shërbimet universitare si biblioteka dhe interneti, të përfaqësohen në organet e studentëve, të organizohen në shoqata jo-politike, të pajisen me dokumente zyrtare studentore dhe, pas përfundimit të studimeve, të marrin diplomën përkatëse. Studentët kanë të drejtë të paraqesin ankesa dhe kërkesa lidhur me çdo aspekt të procesit mësimor, vlerësimit apo çdo çështje tjetër që konsiderojnë se u pengon zhvillimin e tyre akademik dhe mirëqenien gjatë studimeve në kolegj.

Pjesëmarrja e studentëve nё proceset e sigurimit tё cilësisë

Në Kolegjin AAB, studenti është akter i barabartë i cili përfshihet në hartimin, zbatimin dhe vlerësimin e proceseve të sigurimit të cilësisë. Studentët janë pjesëmarrës aktiv në çdo grup punues apo punëtori në të cilën diskutohet politik bërja, planifikimi strategjik dhe vendimmarrja. Në veçanti, studenti merr pjesë në procedurat e sigurimit të cilësisë përmes:

• vlerësimit të stafit akademik dhe përmbajtjeve mësimore;
• vlerësimit të shërbimeve administrative dhe infrastrukturës;
• anëtarësisë së plotë në trupat akademike dhe vendimmarrëse të institucionit;
• pjesëmarrjes në komisione dhe grupe punuese;
• përfshirjes në procesin e hartimit, plotësimit dhe rishikimit të programeve të studimit;
• dhënies së inputeve të vazhdueshme për çdo fushë e cila i përket studentit dhe kolegjit;
• dhënies së rekomandimeve për përmirësim për secilën procedurë, politikë, proces apo vendim i cili lidhet me kolegjin.