Kulturë Fizike dhe Sport

Fakulteti i Kulturës Fizike dhe Sportit është një nga fakultetet më të vjetra në Kolegjin AAB. Ai u akreditua për herë të parë për programin e nivelit Bachelor në Kulturë Fizike dhe Sport në vitin akademik 2007/08, i ndjekur nga akreditimi i programit të nivelit Master në vitin akademik 2009/10. Aktualisht, fakulteti ofron dy programe studimi:

• Kulturë Fizike dhe Sport, 240 ECTS
• Kulturë Fizike dhe Sport, 60 ECTS

Që nga themelimi i tij në vitin 2007 dhe akreditimi i programeve të studimit, fakulteti ka zhvilluar një qasje të re në përgatitjen e studentëve, duke synuar modernizimin e trajnimit të profesionistëve në fushën e edukimit fizik dhe sportit. Perspektiva e Kolegjit AAB për sportin dhe kulturën fizike reflektohet në kurrikulat e tij, të cilat janë të harmonizuara me vendet që kanë sisteme arsimore të zhvilluara dhe burime njerëzore të krahasueshme me ato të Kosovës.

Kjo do të thotë se objektivi afatmesëm i AAB-së është të përgatisë profesionistë të kualifikuar, të cilët mund të adresojnë aspekte të ndryshme të kulturës fizike dhe sportit nga një perspektivë multidisiplinare. Këta të diplomuar do të jenë të aftë të trajtojnë më shumë sesa vetëm një dimension të kulturës fizike. Të diplomuarit e fakultetit janë të trajnuar për të përmbushur kërkesat e tregut të punës në institucione edukative, për të kontribuar në përmirësimin e shëndetit publik dhe për të udhëhequr institucione dhe klube sportive në nivele kombëtare dhe ndërkombëtare.

Misioni i Fakultetit të Kulturës Fizike dhe Sportit është të ofrojë arsim cilësor dhe multidisiplinar të orientuar drejt studentëve, duke përgatitur profesionistë të përgjegjshëm që do të bëhen liderë të proceseve transformuese të shoqërisë në fushën e edukimit fizik, sportit dhe shëndetit, përmes ofrimit të qasjeve inovative në mësimdhënie, kërkimit cilësor dhe shërbimeve për komunitetin dhe industrinë.

Në përputhje me planin strategjik të zhvillimit të AAB-së, objektivat strategjike të Fakultetit të Kulturës Fizike dhe Sportit janë si më poshtë:

• Të avancojë metodologjinë e mësimdhënies kreative dhe të forcojë komponentin e përfshirjes së studentëve në vetëvlerësim, me qëllim zhvillimin e kompetencave të studentëve për të nxënë në mënyrë të pavarur dhe për të mësuar gjatë gjithë jetës.
• Të përmirësojë cilësinë e kërkimit shkencor duke stimuluar dhe mbështetur stafin akademik për të marrë pjesë në organizata dhe institute kërkimore shkencore, si në nivel vendor ashtu edhe ndërkombëtar, si dhe duke përfshirë studentët në punë kërkimore dhe projekte.
• Të zgjerojë bashkëpunimin me partnerë relevantë vendorë dhe ndërkombëtarë, duke rritur mobilitetin e stafit akademik dhe studentëve për shkëmbim përvojash, avancimin e cilësisë së mësimdhënies dhe kërkimit shkencor, si dhe zgjerimin e mundësive për punë praktike profesionale për studentët.
• Të rrisë kontributin e Fakultetit të Kulturës Fizike dhe Sportit në komunitet përmes ofrimit të ekspertizës, analizave, raporteve kërkimore, publikimeve, tryezave të diskutimit dhe përfshirjes së profesorëve dhe studentëve në organizata dhe iniciativa që promovojnë vlerat e aktivitetit fizik për kategori të ndryshme të popullsisë.

Të përshtatë vazhdimisht infrastrukturën për të siguruar një mjedis që mbështet zhvillimin profesional në aspektet praktike dhe teorike, duke krijuar kushte për realizimin e kërkimeve cilësore në fushën e edukimit fizik, sportit dhe shëndetit, si dhe duke ofruar mundësi për realizimin e aktiviteteve të përbashkëta me aktorë të ndryshëm të komunitetit