Qëllimi programit BSc Estetikë dhe Kozmetologji është të pajisë studentët me një bazë të fortë të parimeve dhe praktikave më të mira të estetikës dhe kozmetologjisë, duke integruar njohuritë shkencore të dermatologjisё, kimisё, farmakologjisё dhe teknologjive të avancuara kozmetike. Programi synon tëpërgatisë të diplomuarit me aftësitë e nevojshme për të kryer procedura estetike profesionale, duke përfshirë trajtime jo-invazive, kujdes të lëkurës dhe trikologji, duke garantuar respektimin e standardeve të higjienës, sigurisë dhe etikës.
Programi i Estetikës dhe Kozmetologjisë së Kolegjit AAB synon të përgatisë të diplomuarit në mënyrë profesionale, të bazuar në parimet shkencore dhe praktikat themelore kirurgjikale. Programi thekson përdorimin korrekt të procedurave estetike, respektimin e protokolleve të sterilizimit dhe rëndësinë e parandalimit të transmetimit të sëmundjeve.
Programi BSc Estetikё dhe Kozmetologji nxit kreativitetin, të menduarit kritik dhe aftësitë për zgjidhjen e problemeve, duke i mundësuar studentëve të zhvillojnë qasje inovative ndaj bukurisё dhe mirëqenies. Për më tepër, programi thekson njohuritë ndërdisiplinore, duke përfshirë menaxhimin e biznesit, marketingun dhe ndёrmarrёsinё. Programi gjithashtu promovon përgjegjësinë etike dhe ndërgjegjësimin për ndikimin social të praktikave estetike, duke siguruar që të diplomuarit të kontribuojnë pozitivisht në standardet e industrisë dhe mirëqenien e klientit.
Pas përfundimit të programit, studentët do të demonstrojnë këto:
Aplikojnë rezultatet e kërkimeve dhe praktikat e bazuara në prova për të përmirësuar cilësinë e shërbimeve estetike.
Me rastin e përfundimit të studimeve, studentët fitojnë thirrjen akademike: Bachelor i Shkencave në
Estetikë dhe Kozmetologji.
Studimet e Estetikës dhe Kozmetikolohjisë zgjasin tre (3) vite, me gjithsej gjashtë (6) semestra dhe kreditohen me 180 ECTS. Kreditë ECTS llogariten në bazë të ngarkesës së punës së studentëve me 40 orë mësimore në javë, duke përfshirë të gjitha format e të mësuarit, të dokumentuara në përshkrimet e moduleve si më poshtë. Gjatë një viti, një student duhet të grumbullojë 60 ECTS në mënyrë që të përfundojë atë vit.
-Lënda Bazat e Infermierisë ka për qëllim t’i njoftojë studentët me konceptet themelore bazë në infermieri, shëndet, mirëqenie, rritje dhe zhvillim, procesin e kujdesit infermieror, komunikimin dhe shëndetin holistik, si dhe me shkathtësitë bazike në praktikë.
-Përgatit studentët që të demonstrojnë njohuritë e fituara teorike dhe t’i zbatojnë ato në shkathtësi praktike si: matja e parametrave vitalë, administrimi i medikamenteve, fashimi i plagëve dhe menaxhimi i mbeturinave spitalore.
-Njoh studentët me promovimin e shëndetit të popullatës përmes aktiviteteve infermierore që synojnë rritjen e ndërgjegjësimit për shkaqet dhe pasojat e sëmundjeve të ndryshme, si dhe inkurajimin për të rritur kontrollin ndaj tyre dhe ndjekjen e këshillave të profesionistëve shëndetësorë.
Lënda ka për qëllim të zhvillojë njohuritë e studentëve me konceptet themelore dhe definicionet e anatomisë, fiziologjisë, patologjisë dhe zhvillimit njerëzor gjatë gjithë jetëgjatësisë. Studentët do të fitojnë njohuri rreth sëmundjeve pato-fiziologjike dhe proceseve themelore patologjike.
-Të aftësojë studentët në njohjen e anatomisë normale të trupit, ndërveprimet mes organeve trupore dhe mënyrën se si çdo sistem rregullon funksionet e tij.
-T’i aftësojë në realizimin e matjeve klinike të lidhura me fiziologjinë normale dhe patologjinë.
-Të nxisë njohjen e parimeve moderne të patofiziologjisë, për t’u mundësuar studentëve të kuptojnë shkaqet dhe efektet e proceseve të sëmundjeve si dhe të fitojnë njohuri rreth procedurave diagnostike në patofiziologji.
Lënda ka për qëllim njohjen dhe studimin e ligjeve, rregulloreve dhe konsideratave etike në lidhje me ofrimin e sigurt, efektiv dhe profesional të kujdesit shëndetësor.
-Të aftësojë studentët në njohjen e nocioneve dhe koncepteve të etikës dhe deontologjisë.
-Të jenë të aftë të reflektojnë mbi rëndësinë dhe obligimin për respektimin e konfidencialitetit dhe ruajtjen e fshehtësisë profesionale.
-Të demonstrojnë njohuri mbi kornizën teorike që u mundëson analizë kritike të dilemave etike që lindin në profesionet shëndetësore.
Kjo lëndë synon të përmirësojë aftësitë komunikuese të studentëve në gjuhën angleze, me fokus të veçantë në fjalorin mjekësor. Prandaj, lënda do të zhvillojë njohuritë ekzistuese dhe aftësitë gjuhësore të studentëve, duke u mundësuar atyre të:
-Përmirësojnë aftësitë e përgjithshme të të dëgjuarit dhe kuptuarit të gjuhës së huaj;
-Pasurojnë fjalorin përmes ushtrimeve gjuhësore të të dëgjuarit dhe të folurit;
-Jenë në gjendje të mendojnë në mënyrë kritike.
Qëllimi i lëndës Sporti dhe dieta është që studentët të informohen për rëndësinë dhe nevojat ditore të organizmit për ujë, për dehidratimin gjatë aktiviteteve fizike dhe pasojat e tij në aftësitë fizike, si dhe për rehidratimin e organizmit gjatë aktiviteteve të ndryshme sportive. Gjithashtu, lënda synon të njoftojë studentët për rëndësinë e dietës dhe rolin e materieve ushqyese energjetike, ndërtuese dhe mbrojtëse në sporte të ndryshme.
-Të aftësojë studentët në njohjen e vlerave ushqyese, përfshirë materiet organike dhe inorganike (makronutrientë, mikronutrientë, suplemente).
-Të promovojë mbajtjen e formës ideale të trupit nga aspekti estetik, përmes balancimit të harxhimit kalorik në përputhje me nevojat ditore në sporte të ndryshme.
-Të ndihmojë në ruajtjen e nivelit të arritur të performancës dhe stërvitjes.
-Të kontribuojë në përshpejtimin e rikuperimit pas stërvitjeve, veçanërisht në sporte si fitness dhe bodybuilding.
–
Qëllimi i lëndës Dermatologji Kozmetike është të pajisë studentët me njohuri mbi strukturën dhe funksionet e lëkurës, si dhe t’i aftësojë ata të identifikojnë dhe trajtojnë problemet dermatologjike që kanë ndikim estetik.
-Të aftësojë studentët në përmirësimin e pamjes së klientëve të tyre, duke filluar nga kujdesi për lëkurën dhe makijazhin, deri te kujdesi për flokët dhe thonjtë.
Lënda Kimia Mjekësore ka për qëllim që studentët të fitojnë njohuri mbi përbërjen, vetitë e materies dhe fenomenet që zhvillohen gjatë ndryshimeve kimike.
-Të kuptojnë ligjet themelore të kimisë, rregullat dhe parimet në bazë të të cilave zhvillohen reaksionet kimike, si dhe të mësojnë për kushtet e punës dhe eksperimenteve kimike në profesionin e tyre të ardhshëm.
-Të zhvillojnë aftësitë krijuese për zbatimin e njohurive teorike në praktikë, duke përfshirë mësimin e konfiguracioneve elektronike, madhësive të atomeve dhe llojeve të lidhjeve ndërmjet atomeve.
Lënda Mikrobiologji ka për qëllim përvetësimin e njohurive bazike për diagnostifikimin dhe menaxhimin e sëmundjeve ngjitëse të shkaktuara nga mikroorganizmat patogjenë, me theks të veçantë në ndikimin e tyre në organizëm.
-Aftëson studentët në njohjen e llojeve të ndryshme të mikroorganizmave, ngjashmëritë dhe veçoritë e tyre.
-Njohjen e metodave bazike që lidhen me testet diagnostikuese dhe bazat e trajtimit të infeksioneve të shkaktuara nga mikroorganizmat.
-Trajtimin e aspekteve të ndryshme të ndikimit të mikroorganizmave në organizëm.
Qëllimi i lëndës Shkathtësitë e Studimit është të ndihmojë studentët të zhvillojnë një bazë të fortë për sukses akademik dhe profesional në fushën e estetikës dhe kozmetikologjisë. Kjo lëndë është projektuar për të pajisur studentët me njohuri dhe aftësi praktike që mbështesin efikasitetin në procesin e të mësuarit dhe përgatitjen për karrierë.
-Përvetësojnë teknika të menaxhimit të kohës, duke mësuar si të prioritizojnë detyrat dhe të arrijnë objektivat e tyre akademike dhe profesionale në mënyrë të organizuar dhe efektive.
-Zhvillojnë aftësi në shkrimin akademik, duke përfshirë teknika të hulumtimit, strukturimin e eseve dhe projekteve, si dhe referimin sipas standardeve të pranuara ndërkombëtare.
-Përmirësojnë komunikimin profesional, duke mësuar si të komunikojnë qartë, bindshëm dhe me etikë në situata të ndryshme profesionale, si me klientët ashtu edhe me kolegët.
Qëllimi i lëndës Marketing dhe Menaxhment në Estetikë dhe Kozmetikologji synon të pajisë studentët me njohuritë dhe aftësitë e nevojshme për të zhvilluar dhe menaxhuar strategji marketingu dhe menaxhimi në industrinë e estetikës dhe kozmetikologjisë. Synimet specifike të lëndës janë:
-Të zhvillojë aftësitë e studentëve në krijimin dhe implementimin e strategjive të marketingut.
-Të pajisë studentët me aftësi për menaxhimin efektiv të resurseve njerëzore dhe financiare në biznese estetike.
-Të nxisë kreativitetin dhe inovacionin në promovimin e shërbimeve dhe produkteve kozmetike.
Lënda Menaxhimi i Mediave Sociale ka për qëllim të aftësojë studentët në krijimin dhe menaxhimin strategjik të profileve të mediave sociale për sektorin e estetikës dhe kozmetikologjisë.
-Të zhvillojë shkathtësi të analizës së tregut dixhital dhe të krijimit të përmbajtjes cilësore.
-Të njoftojë studentët me platformat kryesore të mediave sociale, trendet aktuale dhe mënyrat e matjes së performancës.
Qëllimi i lëndës Farmakologjia Kozmetike është të njohim sesi barnat ndikojnë në një sistem biologjik dhe se si trupi i përgjigjet ndaj tyre, njohja e efekteve anësore, ndërveprimeve potenciale në mes agjentëve të ndryshëm farmakoterapeutikë dhe përgjigjja adekuate, efektive e profesionale në praktikën e vërtetë klinike që ka synim administrimin e sigurtë në pacientë dhe përdorimin racional të tyre.
Qëllimi i lëndës është të ofrojë studentëve njohuri dhe aftësi praktike për përdorimin e produkteve dhe teknologjive moderne në kozmetologji, duke përfshirë njohjen e produkteve kozmetike dhe ingrediencave të tyre, aftësitë në përdorimin e teknologjive të reja kozmetike si dhe zbatimin e teknikave moderne për trajtimin e lëkurës dhe trupit.
-Studentët do të kuptojnë rolin e përbërësve aktivë dhe mënyrën se si ato ndikojnë në shëndetin dhe bukurinë e lëkurës dhe trupit.
-Të përvetësojnë përdorimin e pajisjeve dhe procedurave të avancuara që ndihmojnë në përmirësimin e rezultateve kozmetike dhe efikasitetit të shërbimeve.
-Të zhvillojnë aftësi për të aplikuar trajtime të avancuara kozmetike duke përdorur teknologji dhe produkte inovative për të arritur rezultate optimale për klientët.
Lënda Trikologjia dhe kujdesi i Flokëve ka për qëllim të pajisë studentët me njohuri teorike dhe praktike mbi strukturën dhe funksionet e flokëve, trajtimet e bukurisë dhe rreth metodave të ndryshme të stilimit të flokëve, kujdesit për flokët, njohuritë e produkteve dhe ndërveprimin e klientit.
-Të njoftojë studentët me anatominë e flokut dhe skalpit si dhe ti trajtojnë problemet e zakonshme të flokut duke përdorur produkte dhe teknika për forcimin dhe rikuperimin e flokut.
Lënda synon të pajisë studentët me njohuritë dhe aftësitë e nevojshme për të implementuar dhe mbajtur standardet e higjienës dhe sigurisë në praktikat estetike dhe kozmetike. Synimet specifike të lëndës janë:
-Të zhvillojë aftësitë e studentëve në implementimin e praktikave të sigurta dhe higjienike.
-Të pajisë studentët me njohuritë për rregulloret dhe standardet e sigurisë.
-Të nxisë përdorimin e protokolleve të higjienës për parandalimin e infeksioneve dhe sëmundjeve.
Qëllimi i lëndës Teknologjia e re në Estetikë dhe Kozmetikologji është të pajisë studentët me njohuri të avancuara mbi teknologjitë e reja që përdoren në fushën e estetikës dhe kozmetikologjisë.
-Njohjen me pajisjet dhe teknologjitë moderne që përdoren në trajtime estetike, si laserët, ultrazëri, radiofrekuenca dhe pajisje për rigjenerimin e lëkurës.
-Të përgatisë studentët për të ndjekur zhvillimet e fundit në industrinë kozmetike dhe për të aplikuar teknika bashkëkohore në praktikën e tyre profesionale.
Qëllimi i lëndës Promovimi dhe edukimi i shëndetit të lëkurës është të zhvillojë dhe përforcojë njohuritë, aftësitë dhe kompetencat e studentëve për të kuptuar rëndësinë e kujdesit dhe mbrojtjes së shëndetit të lëkurës.
-Të sigurojë njohuri të thelluara mbi faktorët që ndikojnë në shëndetin e lëkurës dhe mënyrat për t’u përballur me problemet dermatologjike, duke u fokusuar në strategji edukative dhe promovuese që ndihmojnë individët të adoptojnë praktika të shëndetshme për ruajtjen e shëndetit të lëkurës.
-Të rrisë ndërgjegjësimin për rëndësinë e higjienës së lëkurës, mbrojtjes nga rrezet UV, dhe parandalimin e sëmundjeve të zakonshme dermatologjike, duke kontribuar në përmirësimin e cilësisë së jetës dhe shëndetit të përgjithshëm të individëve.
Qëllimi kryesor i kësaj lënde është të ofrojë njohuri dhe aftësi praktike në përdorimin e teknikave të fizioterapisë dhe masazhit për trajtimin dhe përmirësimin e gjendjes fizike të individëve. Lënda synon të përgatisë studentët për t’u specializuar në ofrimin e trajtimeve për lehtësimin e dhimbjeve, rritjen e fleksibilitetit, dhe përmirësimin e funksionit trupor përmes metodave të ndryshme të masazhit dhe fizioterapisë.
-Kuptimi i teknologjive të fundit dhe teorive që mbështesin fizioterapinë dhe masazhin si metoda trajtimi.
-Mësimi i teknikave të ndryshme të masazhit (masazh terapeutik, sportiv, relaksues) dhe të fizioterapisë për trajtimin e dhimbjeve muskulore dhe artikulare.
-Mësimi i përdorimit të pajisjeve të specializuara për fizioterapi, si dhe mënyra e kombinimit të teknikave manuale me teknologjinë për rezultate më të mira.
Qëllimi i kësaj lënde është që studentët t’i avancojnë në atë drejtim që, pas përfundimit të saj, të jenë në gjendje të kryejnë shërbimet bazë të kujdesit të lëkurës, duke përfshirë analizat e lëkurës, fytyrës dhe trajtimet e nevojshme.
-Kuptojnë strukturën anatomike dhe funksionet fiziologjike të lëkurës;
-Të zhvillojnë aftësitë profesionale në identifikimin e tipeve dhe gjendjeve të ndryshme të lëkurës përmes analizave të detajuara, si dhe në aplikimin e trajtimeve estetike dhe terapeutike të përshtatshme në mënyrë të sigurt dhe efikase.
Lënda synon të pajisë studentët me njohuritë dhe aftësitë e nevojshme për të ofruar këshillim estetik dhe për të kuptuar psikologjinë e bukurisë.
-Të zhvillojë aftësitë e studentëve në këshillimin estetik.
-Të pajisë studentët me njohuritë për psikologjinë e bukurisë.
-Të nxisë përdorimin e teknikave të këshillimit për përmirësimin e vetëbesimit dhe mirëqenies së pacientëve.
Qëllimi i kësaj lënde është të pajisë studentët me njohuri teorike dhe aftësi praktike për procedurat e microdermabrasion-it dhe teknika të tjera mekanike që përdoren në kujdesin estetik dhe përmirësimin e cilësisë së lëkurës.
-Studentët do të mësojnë mbi pajisjet, teknologjitë dhe aplikimet klinike të këtyre procedurave, duke theksuar sigurinë, higjienën dhe etikën profesionale.
Të ofrojë njohuri dhe aftësi të avancuara për teknikat e grimit dhe depilimit, duke u fokusuar në metodat profesionale, përdorimin e pajisjeve dhe produkteve moderne, si dhe zhvillimin e kreativitetit dhe përsosmërisë në industrinë e bukurisë. Kjo lëndë synon të përgatisë studentët për të ofruar shërbime të personalizuara dhe profesionale, duke u bazuar në standardet më të larta të estetikës dhe kujdesit personal.
-Përdorimi i ngjyrave, konturimi, highlight, dhe metodat për të krijuar stile të personalizuara për raste të ndryshme (p.sh., grimi i përditshëm, grimi i skenës, apo ai për dasma).
-Përdorimi i metodave të ndryshme të depilimit (si dylli, depilimi me sheqer, ose pajisjet moderne), duke garantuar siguri dhe higjienë maksimale për klientin.
-Analiza e lëkurës dhe përzgjedhja e produkteve të duhura për lloje të ndryshme të lëkurës për të minimizuar irritimet dhe për të siguruar rezultate optimale.
Qëllimi i lëndës Kujdesi për thonjtë dhe manikyrin është t’u ofrojë studentëve njohuri teorike dhe praktike mbi teknikat profesionale të kujdesit për thonjtë, higjienën e duhur, dhe aplikimin e manikyrit, duke zhvilluar aftësi për të siguruar cilësi dhe estetikë në shërbimet e ofruara.
-Studentët do të identifikojnë strukturën e dorës dhe këmbës, të njohin gjendjet e thonjëve dhe të lëkurës, dhe të demonstrojnë aftësi në trajtimet e manikyrës dhe pedikyrëve.
Lënda synon të pajisë studentët me njohuritë dhe aftësitë e nevojshme për të menaxhuar emergjencat në fushën e estetikës dhe kozmetologjisë. Synimet specifike të lëndës janë:
-Të zhvillojë aftësitë e studentëve në identifikimin dhe trajtimin e emergjencave estetike dhe kozmetike.
-Të pajisë studentët me njohuritë për protokollet e sigurisë dhe praktikat më të mira në menaxhimin e emergjencave.
-Të nxisë përdorimin e teknikave të reaguara dhe të parandalimit në situata emergjente.
Lënda Procedurat Estetike joinvazive ka për qëllim t’u sigurojë studentëve njohuritë bazë dhe praktikat më të mira në lidhje me shëndetin e lëkurës dhe procedurave estetike të cilat janë joinvazive.
-Të edukojë për përdorimin e teknologjive bashkëkohore joinvazive si laserët, mikrodermabazoni dhe peeling-u kimik.
-T’i përgadisë studentët për të ofruar shërbime estetike të cilësisë të lartë.
Kjo lëndë synon t’i ofrojë njohuri dhe aftësi për të kuptuar dhe zbatuar metodat e duhura për zhvillimin dhe realizimin e kërkimeve shkencore. Të mundësojë studentët me njohuri të thella mbi teknikat e mbledhjes dhe analizës së të dhënave, interpretimin e rezultateve dhe aplikimin e metodave të kërkimit të cilësisë dhe sasisë në kontekste të ndryshme shkencore.
-Studentët do të aftësohen për të zhvilluar kërkime të pavarura, duke theksuar rëndësinë e etikës shkencore dhe rigorozitetit në procesin kërkimor.
-Të hartojnë, zbatojnë dhe raportojnë një projekt kërkimor të plotë, duke kontribuar në zgjidhjen e problemeve reale dhe avancimin e njohurive në fushën e tyre studimore.
Lënda Procedurat estetike të avancuara me laser ka për qëllim ti njoftojë studentët në lidhje me përdorimin e teknologjisë me laser në trajtimet estetike.
-Studentët do të mësojnë parimet bazë të funksionimit të pajisjeve me laser, aplikimet e tyre në trajtimet e lëkurës, reduktimin e qimeve, trajtimin e shenjave dhe defekteve dermatologjike, si dhe masat e sigurisë gjatë përdorimit të kësaj teknologjie.
Lënda Trajtime estetike kundër plakjes ka për qëllim t’u sigurojë studentëve njohuritë bazë dhe praktikat më të mira në lidhje me shëndetin e lëkurës, promovimin dhe edukimin, duke u fokusuar në procedurat dhe trajtimet estetike kundër plakjes.
-Të kuptojnë trajtimet e lëkurës dhe mbrojtjen nga faktorët e dëmshëm të mjedisit.
-Synimi i lëndës është të ofrojë edukim dhe trajnim gjithëpërfshirës për të mësuar teknika dhe koncepte të avancuara në mjekësinë estetike dhe kozmetologjinë.
–
Lënda Estetika e avancuar dhe Kujdesi ndaj lëkurës ka për qëllim t’u sigurojë studentëve njohuritë bazë dhe praktikat më të mira në lidhje me shëndetin, promovimin, edukimin dhe kujdesin e lëkurës duke u fokusuar në procedurat estetike të avancuara.
-Të përgatisë studentët për të njohur teknikat, konceptet dhe procedurat e avancuara në mjekësinë estetike dhe kozmetikologji.
Qëllimi i lëndës është të ofrojë një kuadër të thelluar dhe praktik për zhvillimin e aftësive të studentëve në fushën e trajtimeve estetike që nuk kërkojnë ndërhyrje kirurgjikale. Gjatë kësaj lënde, studentët do të mësojnë mbi teknikat më moderne dhe të sigurta që përdoren për përmirësimin e pamjes dhe rinovimin e lëkurës, duke e bërë këtë fushë gjithnjë e më të kërkuar në mjekësinë estetike.
-Studentët do të mësojnë se si të përdorin këto substanca për të trajtuar linjat e mimikës, rrudhat dhe për të restauruar volumet e humbura në fytyrë.
-Ata do të zhvillojnë aftësi në identifikimin e zonave të duhura për aplikim dhe do të kuptojnë se si të menaxhojnë mundësitë dhe rreziqet e këtyre trajtimeve.
Lënda e Praktikës Profesionale në Estetikë dhe Kozmetikologji ka për qëllim zhvillimin e aftësive profesionale të studentëve përmes përvojës praktike në klinika, studio kozmetike dhe ambiente të tjera profesionale. Studentët do të aplikojnë njohuritë teorike në situata reale të punës, duke përvetësuar teknika të ndryshme të trajtimit kozmetik dhe të kujdesit për lëkurën.
-Të përforcojë njohuritë teorike dhe aftësitë praktike të studentëve në trajtimet kozmetike dhe estetike.
-Të zhvillojë aftësitë e mendimit kritik dhe përdorimin e teknologjive moderne në estetikë dhe kozmetikë.
-Të sigurojë aftësi për të menaxhuar procedura dhe trajtime estetike të klientëve, duke respektuar kërkesat etike dhe profesionale.
-Të nxisë zhvillimin e aftësive të komunikimit dhe punës në ekip me profesionistët e tjerë të industrisë.
Lënda ka për qëllim sqarimin e përgjithshëm të metodologjisë së punës kërkimore-shkencore dhe terminologjisë përkatëse. Përgatitjen e studentëve për kërkim shkencor dhe aplikimin e metodave shkencore në fushën e estetikës dhe kozmetologjisë. Zhvillimin e aftësive për përpilimin, zbatimin dhe prezantimin e një projekti përfundimtar që ndërlidhet me trajtime estetike dhe teknika moderne kozmetologjike.
-Njohja me metodologjitë kërkimore (kuantitative, kualitative dhe mikse).
-Hartimi i një projekti të plotë diplomimi duke përfshirë: zgjedhjen e temës, rishikimin e literaturës, dizajnin hulumtues, mbledhjen dhe analizën e të dhënave.
-Zhvillimi i aftësive praktike për prezantimin dhe mbrojtjen e punimit të diplomës.
