QËLLIMI I PROGRAMIT

Qëllimi programit BSc Estetikë dhe Kozmetologji është të pajisë studentët me një bazë të fortë të
parimeve dhe praktikave më të mira të estetikës dhe kozmetologjisë, duke integruar njohuritë shkencore
të dermatologjisё, kimisё, farmakologjisё dhe teknologjive të avancuara kozmetike. Programi synon të
përgatisë të diplomuarit me aftësitë e nevojshme për të kryer procedura estetike profesionale, duke
përfshirë trajtime jo-invazive, kujdes të lëkurës dhe trikologji, duke garantuar respektimin e standardeve
të higjienës, sigurisë dhe etikës.
Programi i Estetikës dhe Kozmetologjisë së Kolegjit AAB synon të përgatisë të diplomuarit në mënyrë
profesionale, të bazuar në parimet shkencore dhe praktikat themelore kirurgjikale. Programi thekson
përdorimin korrekt të procedurave estetike, respektimin e protokolleve të sterilizimit dhe rëndësinë e
parandalimit të transmetimit të sëmundjeve.
Programi BSc Estetikё dhe Kozmetologji nxit kreativitetin, të menduarit kritik dhe aftësitë për zgjidhjen e
problemeve, duke i mundësuar studentëve të zhvillojnë qasje inovative ndaj bukurisё dhe mirëqenies. Për
më tepër, programi thekson njohuritë ndërdisiplinore, duke përfshirë menaxhimin e biznesit, marketingun
dhe ndёrmarrёsinё. Programi gjithashtu promovon përgjegjësinë etike dhe ndërgjegjësimin për ndikimin
social të praktikave estetike, duke siguruar që të diplomuarit të kontribuojnë pozitivisht në standardet e
industrisë dhe mirëqenien e klientit.

MISIONI I PROGRAMIT “ESTETIKË DHE KOZMETOLOGJI”

Misioni i këtij programi është të ofrojë një arsimim cilësor dhe bashkëkohor, që ndërthur njohuritë teorike
me kërkimin shkencor dhe praktikat e qëndrueshme, duke i pajisur studentët me kreativitet, etikë
profesionale dhe aftësi teknike të domosdoshme për të pasur sukses në industrinë e bukurisë dhe
mirëqenies.

OBJEKTIVAT E PROGRAMIT BSC NË ESTETIKË DHE KOZMETOLOGJI

Në përputhje me misionin, objektivat e programit BSc nё Estetikë dhe Kozmetologji janë si nё vijim:

• tё pajisë studentët me njohuri të thella teorike dhe aftësi praktike në fushën e estetikës dhe
  kozmetologjisë, duke promovuar kreativitetin dhe inovacionin në trajtimet e bukurisë, teknikat e
  mirëqenies dhe praktikat e qëndrueshme në kёtё industri;
• tё angazhojë studentët në kërkime shkencore që kontribuojnë në përparimin e kozmetologjisë, me
  fokus në përmirësimin e standardeve të industrisë, zhvillimin e teknikave të reja dhe rritjen e
  sigurisë dhe efektivitetit të produkteve estetike;
• tё zhvillojë ndjenjën e përgjegjësisë sociale tek studentët përmes promovimit të iniciativave të
  shërbimit ndaj komunitetit dhe praktikave etike të bukurisë, duke inkurajuar kontributin e tyre
  aktiv në mirëqenien sociale dhe transformimin e industrisë.

REZULTATET E TË NXËNIT

Programi është krijuar në përputhje me rregulloret e brendshme të Kolegjit AAB, standardet e Agjencisë
së Kosovës pёr Akreditim (AKA) dhe praktikat më të mira ndërkombëtare. Rezultatet e të nxënit janë
hartuar me një qasje që vendos studentin në qendër dhe tregojnë çfarë studentët do tё dijnё dhe do të jenё
nё gjenjde tё demonstrojnë pas pёrfundimit tё studimeve. Rezultatet e tё nxёnit ndahen në tre kategori:
njohuri, aftësi dhe kompetenca. Prandaj, pas përfundimit të programit studentёt do tё demonstrojnё kёto:

Njohuri

• kuptojnë shkencat bazë, si kimia, dermatologjia, farmakologjia dhe teknologjitë e aplikuara në
  kozmetologji;
• njohin metodat e ndryshme për trajtimin e lëkurës dhe flokëve, të mbështetura nga teknologjitë më të
  fundit estetike;
• mbledhin dhe analizojnё informacione klinike për gjendjen e lëkurës dhe flokëve të klientëve;
• zotёrojnё aftësi praktike për trajtimet estetike, përfshirë teknikat e masazhit dhe procedurat jo
  invazive;
• ekzaminojnë dhe vlerësojnë gjendjen e lëkurës;
• kuptojnё standardet etike dhe profesionale në trajtimet estetike, me fokus te higjiena dhe siguria;
• njohin bazat e menaxhimit të projekteve, kërkimit dhe praktikave të bazuara në prova në këtë fushë;

Shkathtësi

• zbatojnё procedura estetike jo-invazive duke ndjekur udhëzimet e duhura;
• pёrzgjedhin dhe realizojnё trajtimin më të përshtatshëm për problemet estetike të klientëve, duke
  përdorur teknologjitë më të avancuara;
• mendojnё nё mёnyrё kritike për të ofruar zgjidhje për sfidat estetike;
• integrojnё njohuritë e menaxhimit dhe marketingut për të ofruar shërbime të suksesshme dhe
  inovative;

Kompetenca

• hartojnё plane për të menaxhuar dhe përmbushur nevojat e klientëve;
• zbatojnё standardet etike dhe ligjore për të garantuar sigurinë e klientëve;
• pёrdorin dhe menaxhojnё pajisjet teknike për trajtimin e lëkurës dhe flokëve;
• aplikojnё rezultatet e kërkimeve dhe praktikat e bazuara në prova për të përmirësuar shërbimet
  estetike.

NUMRI I VENDEVE PËR STUDIM

Numri i vendeve për studim sipas vendimit të AKA-së është 75 student për vit akademik.

FORMAT E VLERËSIMIT

Në programin Estetikë dhe Kozmetologj studentët vlerësohen jo vetëm për njohuritë teorike, por edhe për
aftësitë praktike që do të zhvillojnё gjatë studimeve. Për të siguruar që studentët janë të përgatitur për
praktikën profesionale, do tё përdoret njё kombinim i metodave të vlerësimit, të cilat përfshijnë: provimet
me shkrim; provimet me gojë; prezantimet; punimet seminarike; kuizet; detyrat dhe aktivitetet në klasë;
feedback me shkrim; punët praktike dhe detyrat laboratorike, etj.

METODOLOGJIA E MËSIMDHËNIES

Programi Bachelor në Estetikë dhe Kozmetologji ofron një përvojë mësimore që vendos studentët në
qendër, duke kombinuar bazat teorike me ushtrimet praktike. Programi integron metoda të ndryshme tё

mёsimdhёnies për të forcuar rezultatet e të nxënit dhe për të ndërtuar njohuritë dhe aftësitë teknike të
nevojshme për sukses në këtë fushë.
Metodat e mësimdhënies përfshijnë: ligjërata teorike; ushtrime praktike; angazhim aktiv nё diskutime;
projekte të vogla kërkimore; demonstrime dhe trajnime praktike; punëtori dhe ligjërata nga profesionistë
të industrisë; puna klinike dhe laboratorike, etj.

KRITERET E PRANIMIT

Të drejtë regjistrimi në studimet Bachelor kanë të gjithë kandidatët që kanë përfunduar arsimin e mesëm,
posedojnë dokumentacionin e nevojshëm dhe përmbushin kriteret minimale të pranimit të përcaktuara nga
Senati. Sipas Nenit 5 të Rregullores për Studimet Bachelor, kushtet për pranimin në studimet Bachelor
janë:

• përfundimi me sukses i arsimit fillor dhe të mesëm me së paku 12 vite shkollim, i dëshmuar me
  diplomën përkatëse;
• përfundimi me sukses i Testit të Maturës Shtetërore sipas kritereve të përcaktuara nga Ministria e
  Arsimit, Shkencës dhe Teknologjisë, i dëshmuar me provat përkatëse;
• përfundimi me sukses i procedurës së përzgjedhjes;
• plotësimi i dosjes me dokumentacionin zyrtar sipas përcaktimeve të MASHT-it.

NIVELI DHE GRADA AKADEMIKE

Me rastin e përfundimit të studimeve, studentët fitojnë thirrjen akademike: Bachelor i Shkencave në
Estetikë dhe Kozmetologji.

KOHËZGJATJA DHE VËLLIMI

Studimet në Estetikë dhe Kozmetologji zgjasin 3 vite, 180 ECTS me gjithsej 6 semestra.