Është themeluar “English Book Club” nga Fakulteti i Gjuëhs Angleze në Kolegjin AAB, me iniciativë të profesorëve Fatmir Ramadani dhe Albert Paçarizi. Klubi ka për qëllim të mbledhë studentët në një ambient të ngrohtë dhe bashkëpunues, ku do kenë mundësinë të diskutojnë, debatojnë dhe analizojnë libra të ndryshëm.

Gjatë ceremonisë së hapjes së klubit, dekanja e Fakultetit të Gjuhëve të Huaja Aida Alla, përshëndeti iniciativën dhe theksoi rëndësinë e mbështetjes së kulturës së leximit te studentët. Ajo nënvizoi se aktivitete të tilla kontribuojnë në zhvillimin e mendimit kritik dhe pasurimin e kulturës letrare dhe akademike. Profesorët Fatmir Ramadani dhe Albert Paçarizi uruan fillimin e këtij aktiviteti duke premtuar përkrahjen e tyre të pakursyer.

Në “English Book Club”, studentët do të kenë mundësinë të përcaktojnë librat që do të lexojnë dhe do të diskutojnë në takime të rregullta dyjavore deri në fund të vitit akademik. Kjo iniciativë synon jo vetëm zhvillimin e aftësive akademike, por edhe krijimin e një bashkëpunimi të ngushtë mes studentëve, profesorëve dhe librave.