Fakulteti i Komunikimit Masiv ka organizuar një panel diskutimi me profesionistë dhe gazetarë për të shënuar Ditën Botërore të Lirisë së Shtypit më 3 maj.
Të ftuar në këtë panel të cilin e drejtoi dekani i Fakultetit të Komunikimit Masiv Gazmend Abrashi, ishin: Hasan Saliu profesor i gazetarisë, Ardiana Thaçi Mehmeti gazetare hulumtuese dhe Nora Gjuzi gazetare.
Panelistët theksuan rëndësinë e shtypit në shoqëri, hapat që ndjekin për të informuar publikun, vështirësitë, sfidat dhe gjendjen aktuale të lirisë së shtypit në mbarë botën.
Studentët e gazetarisë, kontribuan me pyetjet dhe diskutimet e tyre në këtë aktivitet.
Fakulteti i Komunikimit Masiv në Ditën Botërore të Lirisë së Shtypit, riafirmon angazhimin kolektiv ndaj të vërtetës, llogaridhënies dhe vlerës së qëndrueshme të një shtypi të lirë.
