Dekani i Fakultetit të Kulturës Fizike dhe Sportit Fatmir Pireva dhe homologu i tij nga Universiteti i Tuzlës Edin Uzićanin, kanë nënshkruar marrëveshje bashkëpunimi mes dy institucioneve.

Marrëveshja ka për bazë disa fusha kryesore si: shkëmbimin e stafit akademik për procesin mësimor; shkëmbimin e pedagogëve, studiuesve dhe studentëve në kuadrin e veprimtarive kërkimore-shkencore; inkurajimin, mbështetjen dhe implementimin e projekteve të përbshkëta kërkimore; promovimin, mbështetjen dhe zbatimin e veprimtarive të tjera shkencore si: konferenca, seminare dhe botime në fusha me interes të përbashkët etj.

Kjo marrëveshje u nënshkrua gjatë pjesëmarrjes së profesorëve Fatmir Pireva dhe Arben Maliqi në Simpoziumin e 17’të Ndërkombëtar “Sporti dhe Shëndeti” i organizuar nga Fakulteti i Edukimit Fizik dhe Sportit nga Universiteti i Tuzlës.