Janë nënshkruar marrëveshje bashkëpunimi me pesë institucione parashkollore nga Fakulteti i Shkencave Sociale. Marrëveshjet janë bërë me: “Kids Garden Academy”, “Arba’s Dayschool”, “Wonder Kids Academy”, kopshtin “Loni“, dhe kopshtin “Kinderland”. Në to parashihet realizimi i praktikës për studentët e Fakultetit të Shkencave sociale, si dhe forma tjera të bashkëpunimit përmes oganizimeve të tryezave, ligjëratave dhe aktiviteteve të ndryshme nga palët nënshkruese.
Këto marrëveshje u nënshkruan nga dekanja e Fakultetit të Shkencave Sociale Saranda Shatri dhe drejtuesit e institucioneve parashkollore Shkurte Vitija, Arba Kusari, Shkurte Bunjaku, Alije Gashi dhe Vehbi Bajraktari.