Në Laboratorin e Shkencave Humane është mbajtur një aktivitet me studentët e nivelit master të Fakultetit të Shkencave Sociale.
Aktiviteti përmbante lansimin e videove edukative të përgatitura nga studentët e programit “Përkujdesja dhe Mirëqenia e Fëmijëve”.
Videot edukative janë krijuar për të kontribuar në edukimin dhe mirëqenien e fëmijëve, të cilat do t’u ofrohen kopshteve partnere për t’u përdorur si materiale ndihmëse në procesin mësimor me fëmijë.
Ky aktivitet është inicuar nga dekanja e Fakultetit të Shkencave Sociale Saranda Shatri dhe profesoresha Lirika Bërdynaj.