THIRRJE PËR APLIKIM – INTERN PËR ZYRËN E PROJEKTEVE
12 Shtator 2025
Kolegji AAB shpall të hapur thirrjen për praktikantë në Zyrën e Projekteve. Kjo është një mundësi shumë e mirë për studentët dhe të diplomuarit e Kolegjit AAB, të cilët dëshirojnë të përfitojnë përvojë profesionale në menaxhimin dhe zhvillimin e projekteve ndërkombëtare dhe lokale, në një mjedis bashkëpunues, dinamik dhe me përvojë.
Përgjegjësitë e internëve:
- Asistim në përgatitjen dhe dorëzimin e dokumenteve për projekt-propozime.
- Mbledhja dhe përpunimi i të dhënave të nevojshme për aplikimet në projekte.
- Komunikim dhe koordinim me stafin e Zyrës së Projekteve.
- Asistim në organizimin e aktiviteteve të ndryshme që lidhen me projektet.
- Angazhim me 40 orë në javë për një periudhë 6 mujore, duke filluar nga muaji tetor.
Kualifikimet e kërkuara:
- Të jetë student i vitit të dytë ose më lartë në cilëndo nga fushat e studimit në Kolegjin AAB, ose i diplomuar në Kolegjin AAB.
- Aftësi të mira komunikimi në gjuhën shqipe dhe angleze.
- Aftësi të shkëlqyera organizative dhe për menaxhimin e kohës.
- Aftësi për të punuar në ekip dhe për të marrë iniciativa.
- Njohuri të mira në përdorimin e programeve të paketës Microsoft Office (Word, Excel, PowerPoint).
Çfarë ofrojmë?
- Përvojë praktike në zhvillimin e projekteve ndërkombëtare dhe lokale.
- Mundësi për të punuar në një ekip dinamik dhe me përvojë.
- Zhvillim të aftësive profesionale dhe personale.
- Mundësi për të ndërtuar kontakte profesionale dhe rrjetëzim në nivel ndërkombëtar.
- Dëshmi për përfundim të suksesshëm të punës praktike (Letër Reference)
Procedura e aplikimit:
Të gjithë të interesuarit duhet të dërgojnë:
- CV të përditësuar (në gjuhën shqipe ose angleze)
- Një letër motivimi ku përshkruhet interesi i tyre (në gjuhën angleze)
Aplikimet duhet të dërgohen në e-mail adresën: [email protected]
Afati i fundit për aplikim: 24 shtator 2025.
Për më shumë informata, mund të kontaktoni në: [email protected]
Shënim: Vetëm kandidatët e përzgjedhur do të ftohen për intervistë.
