Është mbajtur aktiviteti i radhës nga Klubi i Debatit i Fakultetit të Administratës Publike, ku u diskutua tema “Marrëveshja e Stabilizim-Asociimit ndërmjet Kosovës dhe BE-së”. Studentët u angazhuan përmes diskutimeve dhe opinioneve të tyre për rëndësinë dhe sfidat që sjell MSA-ja për zhvillimin e Kosovës në rrugën e saj drejt integrimit evropian. Ligjërues në këtë aktivitet ishte profesori Mentor Borovci, i cili ndau njohuritë e tij të thella dhe përvojën profesionale lidhur me këtë temë.
Diskutimet u fokusuan në rëndësinë e MSA-së për përmirësimin e qeverisjes, zhvillimin ekonomik dhe harmonizimin me standardet evropiane. Studentët kontribuan aktivisht me pyetje, analiza dhe opinione, duke e shndërruar këtë aktivitet në një platformë dinamike për shkëmbim mendimesh.
Ky aktivitet konfirmoi rëndësinë e iniciativave të tilla për të nxitur diskutime të dobishme mbi tema me ndikim të madh për shoqërinë dhe perspektivën evropiane të Kosovës.