Në një ceremoni të organizuar në Ditën Ndërkombëtare të Rinisë, Kolegji AAB ka ndarë shtatë bursa për lojtaret e klubit futbollistik “Prishtina”.

Këto bursa u ndanë nga dekani i Fakultetit të Kulturës Fizike dhe Sportit Fatmir Pireva, i cili tha se përfitueset e bursave mund të zgjedhin drejtimet e shumta që ofrohen në Kolegjin AAB, ndërsa theksoi se është kënaqësi e veçantë të kontribuohet në këtë mënyrë.

Edhe presidentja e Republikës së Kosovës Vjosa Osmani, në fjalimin e saj theksoi peshën e detyrës që bartim për të siguruar që të rinjtë ta kenë mundësinë të arrijnë majat kudo.

Kolegji AAB si një ndër shtyllat kryesore ka fuqizimin e rinisë dhe avancimin e tyre në shoqëri përmes arsimit të mirëfilltë dhe ndihmave në forma të ndryshme për ta.