Fakulteti i Kulturës Fizike dhe Unioni Studentor në bashkëpunim me OJQ “Replay Peace”, kanë organizuar lojë basketbolli për të shënuar Ditën e Personave me Aftësi të Kufizuara.

Kjo ndeshje pati karakter sensibilizues shumë të rëndësishëm, pasi u zhvillua nga personat në karrocë, ndërsa morën pjesë edhe pjesëtar të KFOR-it në Kosovë.

Gjithashtu ishte një mundësi për socializim nga të gjithë pjesëmarrësit, të cilët kaluan kohë kualitative në Sallën e Sporteve të Kolegjit AAB. OJQ “Replay Peace” ndau mirënjohje për Kolegjin AAB me rastin e organizimit të këtij aktiviteti, ndërsa falënderuan prorektoren, dekanin dhe Unionin Studentor për kujdesin e vazhdueshëm ndaj personave me aftësi të kufizuara.