Dr. Rilind Çoçaj, i lindur në Prizren më 3 prill 1993, që nga mosha njëvjeçare jetoi në Varaždin (Kroaci) ku nisi arsimin e tij të hershëm para se familja të transferohej në Čakovec (Kroaci), ku përfundoi shkollën e mesme. Në vitin 2014, diplomoi në Fakultetin e Arkitekturës në Kolegjin AAB në drejtimin “Arkitekturë”, ndërsa në vitin 2017 përfundoi studimet postdiplomike në Politecnico di Milano (Itali) me notën 110/110 me lavdërim dhe përmendje të veçantë në fushën e Arkitekturës dhe Inxhinierisë së Ndërtimit – Dizajn Arkitekturor, me tezën “Revitalization of Vukovar. Facing the Danube” dhe fitoi titullin “Master me mirënjohje në Arkitekturë – Projektimi Arkitektural” (MSc). Në korrik 2022, Dr. Rilind Çoçaj mbrojti me sukses të shkëlqyer doktoraturën në Università IUAV di Venezia në fushën e Kompozicionit Arkitektonik, me tezën “Between Neo-Avant-Garde Art and Biourbanism. Andrija Mutnjakovic: National Library of Kosovo”, duke u nderuar me titullin “Doktor i shkencave në hulumtim në Arkitekturë, Qytet dhe Dizajn”.
Përvoja e tij profesionale filloi që nga viti 2017, ku projekton dhe bashkëpunon me zyrat profesionale të arkitekturës në Prishtinë, Zagreb dhe Milano, duke kontribuar në dizajne të projektimit të ndërtesave private, publike dhe restaurimit të ndërtesave historike.
Nga viti 2023–2024, Dr. Rilind Çoçaj punoi si arkitekt konsulent në projektin e restaurimit të Bibliotekës Kombëtare të Kosovës, në bashkëpunim të ngushtë me akademikun Andrija Mutnjaković dhe ALB-Architect.
Karriera akademike e Prof. Rilind Çoçaj filloi nga studimet e doktoratures, më saktësisht nga viti 2019–2022 ku ka punuar si asistent dhe bashkëpunëtor akademik në Laboratorët e Projektimit arkitektural të udhëhequr nga Prof. Maurizio Meriggi në Departamentin e Arkitekturës dhe Studimeve Urbane në Politecnico di Milano. Nga viti akademik 2022/23, Prof. Rilind Çoçaj ligjëron lëndët “Bazat e Projektimit”, “Projektimi II” dhe “Kompozicioni Arkitektural” në Kolegjin AAB në Prishtinë, ndërsa nga shtatori 2024 është profesor vizitor në Departamentin e Arkitekturës dhe Studimeve Urbane në Politecnico di Milano ku ligjëron lëndën Projektimi Arkitektonik.
Filluar nga viti 2016, ai ka marrë pjesë në konferenca ndërkombëtare shkencore e profesionale në Itali, Gjermani dhe Kroaci, ku zhvillon hulumtime mbi raportin mes dizajnit arkitektonik dhe planifikimit urban, me fokus në sintezën e artit, shkencës dhe teknologjisë. Aktivitetet kryesore përfshijnë: “Redefining Cities in Post-Soviet Space” (Leipzig, 2016), “Catalizzatori architettonici: progetto e identità” (Università IUAV di Venezia, 2019), “La costruzione della forma urbana tra architettura e città – nächster halt! nuova linea / L’architettura dei connettori di trasporto e spazi pubblici per Berlino” (Sapienza Università di Roma, 2021), seri seminarësh mbi teorinë bashkëkohore të dizajnit arkitekturor, kompozicionin arkitektural dhe urbanizmit dhe trashëgimisë (Politecnico di Milano, 2019–2022), ekspozita “Designing an Urban Campus: The Case of Pristina, Kosovo” (Politecnico di Milano, 2022), prezentimi i “Revitalizing Vukovar: Facing the Danube” (Prishtina Architecture and Arts Festival, 2024) dhe “Dani Andrije Alešija” (Akademia e Shkencave dhe Arteve të Kroacisë dhe Shoqata e Arkitektëve të Zagrebit, 2025).
Është autor dhe bashkëautor në kapituj librash, ese dhe artikuj që fokusohen në kompozicionin arkitektonik.
Kontributi i tij në shkencë përfshin publikime, poashtu në revista të indeksuara si SCOPUS. Ndër veprat e tij më të njohura përfshihen:
Në revista: SCOPUS
Batunova, E., Cocaj, R., Sokoli, Z., & Kuma, S. (2019). A socialist built legacy in a small shrinking city: The case of Zernograd, Southern Russia. TERRITORIO, 91, 97–106.
https://doi.org/10.3280/TR2019-091010
https://www.francoangeli.it/riviste/articolo/66615 \
Sfondi i tij ndërkombëtar, akademik dhe profesional sjell një sintezë mes teorisë dhe praktikës arkitekturale. Flet rrjedhshëm gjuhën shqipe, kroate, italiane, angleze, gjermane, sllovene dhe spanjolle.
