Në ambientet e Kolegjit AAB, u promovua romani “Istria Gold” i autorit dhe kineastit të njohur Mike Downey. Libri, i botuar nga Shtëpia Botuese AAB dhe i përkthyer në shqip nga Lekë Berisha, u prezantua në praninë e studiuesve letrarë dhe miqve të autorit.
“Istria Gold” u botua për herë të parë në Mbretërinë e Bashkuar në vitin 2022 DHE është një roman historik-aventurë i vendosur përgjatë bregdetit të Istrisë, që eksploron temat e kujtesës, lakmisë dhe rëndësisë së atij vendi.
Aktivitetin e moderoi Prorektorja për Marrëdhënie me Jashtë, Venera Llunji, e cila theksoi se Kolegji AAB mbetet i angazhuar në akademi dhe shkëmbim kulturor ndërkombëtar. Aktiviteti përfshiu një analizë letrare dhe përkthimore të estetikës së librit nga Prof. Aida Alla, Dekane e Fakultetit të Gjuhëve të Huaja, regjisori Fatos Berisha, Drejtor i Prifest dhe vetë Mike Downey, të cilët ndanë njohuri mbi rëndësinë letrare, kulturore dhe artistike të veprës.
Ky aktivitet tregon qasjen ndërdisiplinore të Kolegjit AAB, duke lidhur arsimin e lartë me promovimin kulturor dhe bashkëpunimin ndërkombëtar.
