Për të mbështetur procesin mësimor dhe kërkimin shkencor të studentëve të masterit, të stafit akademik dhe lexuesve të tjerë, Fakulteti Juridik, Fakulteti i Gjuhëve të Huaja dhe Fakulteti i Shkencave Sociale në Kolegjin AAB, kanë siguruar qasje të plotë në të gjitha numrat e 15 revistave më prestigjioze në botë, të botuara gjatë pesë viteve të fundit.
Këto revista shkencore të publikuara nga shtëpitë më të njohura botuese si Elsevier dhe Taylor & Francis, përfaqësojnë burime elitare për literaturën dhe studimet e fundit në fushat përkatëse.
Çdo fakultet ka siguruar nga pesë revista me disa qindra numra dhe disa mijëra artikuj, të cilët janë publikuar në periudhën 2021-2025.
Fjala është për revistat e ranguara në krye të listave në fushat përkatëse në Scopus dhe të cilat ofrojnë një mundësi të jashtëzakonshme studimi dhe njohjeje me të arriturat e fundit inovative dhe shkencore në botë.
Javë më parë këtë e kanë realizuar edhe fakultetet e tjera të Kolegjit AAB, si: ai i Komunikimeve, i Psikologjisë, i Shkencave kompjuterike, të cilët gjithashtu kanë siguruar nga 5 top-revista në fushën e tyre, të publikuar në pesë vitet e fundit.
Kjo është realizuar falë fushatës së ndërmarrë nga Kolegji AAB me moton “5-top revista të pesë viteve të fundit për fakultetet e AAB-së”.
Studentët, por edhe të gjithë lexuesit, do të kenë mundësi t’i lexojnë falas këto revista në Bibliotekën e Kolegjit AAB.
Revistat e Fakultetit Juridik:
Telematics and Informatics, e para në botë nga 1105 revista të indeksuara në kategorinë Law në Scopus, me IF: 20;
Government Information Quarterly, e dyta në botë në kategorinë Law, me IF: 18.4;
Current Issues in Criminal Justice;
Journal of Intervention and Statebuilding;
Justice Quarterly.
Revistat e Fakultetit të Gjuhëve të Huaja:
Computer Assisted Language Learning, e dyta në botë nga 1126 revista të indeksuara në kategorinë Language and Linguistics në Scopus, me IF: 23.6;
Artificial Intelligence, e gjashta në botë në kategorinë, me IF: 15;
International Journal of Bilingual Education and Bilingualism;
Innovation in Language Learning and Teaching;
The Interpreter and Translator Trainer.
Revistat e Fakultetit të Shkencave Sociale:
Educational Psychologist, e dyta në botë në Psikologji, me IF mjaft të madh, 26.9;
Innovations in Education and Teaching International, me IF: 8.1;
International Journal of Child-Computer Interaction;
School Effectiveness and School Improvement;
Studies in Science Education.
