Për të shënuar festat e fundvitit, në një aktivitet simbolik studentët e Fakultetit të Shkencave Sociale të shoqëruar nga dekanja Saranda Shatri, profesorët Diana Qarkaxhija dhe Jeton Brajshori, kanë vizituar Qendrën Ditore për të Moshuarit në Prishtinë.
Gjatë kësaj vizite studentët dorëzuan disa dhurata për të sjellur ngrohtësinë e festave të fundvitit në qendër.
Këto dhurata u siguruan nga mjetet e grumbulluara me aktivitetin që i parapriu kësaj vizite, ku studentët vendosën në shitje disa kartolina festive të punuara nga ta.
Në këtë qendër studentët dhe profesorët u informuan rreth funksionimit dhe shërbimeve që ofrohen për të moshuarit, ndërsa premtuan angazhimin dhe kontributin nga ana e tyre përmes punës vullnetare që të mbështesin këtë kategori të shoqërisë.