Studentët e Fakultetit të Administratës Publike patën mundësinë të zhvillojnë një vizitë studimore në Agjencinë Shtetërore të Arkivave të Kosovës, me qëllim të thellimit të njohurive mbi menaxhimin dhe ruajtjen e dokumentacionit shtetëror. Gjatë vizitës, ata u njohën me proceset arkivore, rëndësinë e dokumentimit zyrtar dhe sfidat me të cilat përballet administrata publike në menaxhimin e të dhënave historike dhe institucionale.

Një falënderim i veçantë i drejtohet drejtorit të Arkivës Qendrore, z. Ruzhdi Panxha, për mikpritjen dhe shpjegimet e detajuara mbi funksionimin dhe rëndësinë e arkivave në ruajtjen e trashëgimisë dokumentare të Kosovës. Po ashtu, shprehim mirënjohje për stafin akademik, Prof. Blinera Veliu, dhe për studentët pjesëmarrës, të cilët shfaqën interes dhe angazhim të madh gjatë kësaj vizite.

Kjo përvojë ishte një mundësi e vyer për studentët që të kuptojnë nga afër praktikën arkivore dhe rëndësinë e saj për administratën publike. Përdorimi efektiv i arkivave është thelbësor për transparencën institucionale, mirëqeverisjen dhe ruajtjen e kujtesës shtetërore, duke u shërbyer brezave të ardhshëm si një burim i rëndësishëm informacioni dhe studimi.