Falë bashkëpunimit ndër vite mes Kolegjit AAB dhe Zyrës së Erasmus+ në Kosovë, me rastin e 10 vjetorit të themelimit të kësaj zyre, është organizuar një ceremoni festive ku morën pjesë drejtoresha e Zyrës së Projekteve Ilirjana Geci, zyrtaret Erëza Mehmeti dhe Arta Musollaj bashkë me Unionin Studentor. Ceremonia shërbeu si një mundësi që studentët të ndanin eksperiencat e suksesshme që kanë kontribuar në zhvillimin e arsimit të lartë, ndërsa takuan personalitete të shumta me potencial për bashkëpunim ndërmjet grupeve të studentëve nga institucione të arsimit të lartë.