Dr. Arta Musollaj ka lindur më 16 shtator 1992 në Pejë. Studimet universitare i ka përfunduar në Universitetin e Prishtinës, në drejtimin Shkenca Politike (2011–2015), ndërsa në vitin 2017 ka përfunduar studimet master në Linguistikë të Aplikuar me TESOL në Universitetin e Sheffield-it. Në vitin 2022 ka përfunduar doktoraturën në fushën e Sociolinguistikës në të njëjtin universitet, me disertacionin e saj të fokusuar në qëndrimet ndaj gjuhëve minoritare në Kosovë (titulli origjinal: Attitudes towards Minority Languages in Kosovo).
Përvoja e saj profesionale përfshin angazhime në mësimdhënie në kuadër të Fakultetit Ndërkombëtar CITY College të Universitetit të Sheffield-it, si dhe në hulumtim përmes South-East European Research Center (SEERC) dhe Universitetit të Sheffield-it. Përveç mësimdhënies dhe kërkimit shkencor, ajo ka qenë e përfshirë në trajnime me të rinjë, me fokus në transformimin e konfliktit dhe ndërtimin e paqes. Aktualisht, ajo punon në Kolegjin AAB si ligjëruese dhe njëkohësisht është e angazhuar edhe si zyrtare për projekte, ku merret me zhvillimin, monitorimin dhe implementimin e projekteve.
Ajo flet gjuhën shqipe si gjuhë amtare, zotëron anglishten në nivel profesional dhe ka njohuri të mira të gjuhës greke. Poashtu, ka aftësi në përdorimin e programeve si SPSS Statistics, ArcMap, AntConc.
Publikime, Konferenca, Seminare, Trajnime:
Publikime
Musollaj, Arta (2023). Attitudes towards Minority Languages in Kosovo. Disertacion i doktoratës, Universiteti i Sheffield-it.
Konferenca
• Qëndrimet gjuhësore në kontekste të minoriteteve – rasti i Kosovës (Konferenca e 14-të e Studimeve Pasuniversitare, Selanik)
• Qëndrimet ndaj gjuhëve të komuniteteve pakicë në Kosovë (Konferenca Language in Focus, Dubrovnik)
Seminare
• Mënyra si e sheh gjuhën time: zhvillimi i kërkimeve mbi qëndrimet ndaj gjuhëve të pakicave (University of Sheffield International Faculty CITY College, Selanik)
Trajnime
• Akademia e Paqes (Youth Initiative for Human Rights, 2023)
• Siguria Kibernetike (University of Sheffield, 2022)
• Mbrojtja e të Dhënave Personale (University of Sheffield, 2022)
• Mbrojtja e Informacionit (University of Sheffield, 2022)
• Parandalimi i Mashtrimit dhe Korrupsionit (University of Sheffield, 2021)
• Refugjatët mes pranimit dhe kufizimit: Të mos ia dorëzojmë veten frikës (Youth in Action, Selanik, 2017)
