Programi Master në Kontabilitet dhe Auditim është projektuar për të përgatitur profesionistë të kualifikuar me njohuri të avancuara teorike dhe praktike në fushën e kontabilitetit, auditimit, raportimit financiar dhe qeverisjes korporative, në përputhje me standardet ndërkombëtare të kontabilitetit dhe auditimit.
Programi synon të zhvillojë aftësi analitike, kërkimore dhe profesionale, duke i pajisur studentët me njohuri për zbatimin e standardeve ndërkombëtare të raportimit financiar (IFRS) dhe auditimit (ISA), menaxhimin e riskut financiar, sistemet e kontrollit të brendshëm, si dhe vlerësimin e performancës financiare të bizneseve dhe institucioneve publike.
Përmes projekteve kërkimore, punës praktike, analizave të rasteve reale dhe angazhimit në kërkime të pavarura, studentët zhvillojnë aftësi për të analizuar, raportuar dhe audituar të dhëna financiare në përputhje me kërkesat e tregut dhe standardet ndërkombëtare. Ata gjithashtu mësojnë të përdorin teknologjitë moderne të kontabilitetit dhe auditimit elektronik (e-auditing), duke përmirësuar transparencën, efikasitetin dhe cilësinë e proceseve financiare.
Misioni
Misioni i programit MA në Kontabilitet dhe Auditim është: “përmes aplikimit të qasjeve bashkëkohore të mësimdhënies të përgatisë profesionistë konkurrues në tregun e punës në fushën e kontabilitetit dhe auditimit, me njohuri të avancuara teorike, aftësi kërkimore dhe praktike që kontribuojnë në përmirësimin e praktikave të kontabilitetit dhe auditimit dhe të cilët kanë ndikim të drejtpërdrejtë në rritjen e transparencës dhe përmirësimin e standardeve në sektorin financiar dhe në shoqërinë më të gjerë.”
Bartësit e programit tё studimit
Rezultatet e tё nxёnit
Në fund të programit MA Kontabilitet dhe Auditim, studentët do të fitojnë njohuritë, aftësitë dhe kompetencat e mëposhtme:
Njohuri:
Shkathtësi:
Kompetenca:
Pranimi nё studime
Sipas nenit 6 të Rregullores, studimet Master kanë të drejtë t’i regjistrojnë të gjithë ata kandidatë të cilët i kanë përfunduar studimet themelore Bachelor dhe që kanë fituar së paku 240 ECTS. Tutje, kushtet për pranim në studimet Master janë:
Në rast se studimet paraprake studenti i ka kryer në ndonjë fushë tjetër, studenti obligohet t’i nënshtrohet provimeve themelore të programit bachelor ekonomik të cilat quhen provime diferenciale.
Numri i vendeve për studim
Numri i vendeve për studim sipas vendimit të AKA-së është 120 studentë për vit akademik.
Njohja e kualifikimeve
Në bazë të Rregullores për Studime Master të Kolegjit AAB, njohja e kualifikimeve dhe transferi i studimeve rregullohen nga Nenet 9, 10 dhe 11 të kësaj rregulloreje.
Këto nene përcaktojnë kushtet, kriteret dhe procedurat për pranimin e studentëve nga institucione të tjera të arsimit të lartë, mënyrën e realizimit të transferimit, si dhe procesin e njohjes dhe barazvlerësimit të lëndëve të studiuara më parë.
Kohëzgjatja dhe numri i ECTS-ve
Studimet në programin MA Kontabilitet dhe Auditim zgjasin 2 vite, 120 ECTS me gjithsej 4 semestra.
Me rastin e përfundimit të studimeve, studentët fitojnë thirrjen akademike Master i Arteve në Kontabilitet dhe Auditim,
Perspektivat e punësimit tё studentëve
Studentët e diplomuar nga programi MA Kontabilitet dhe Audiim përgatiten për pozita të avancuara profesionale si auditorë të brendshëm dhe të jashtëm, kontabilistë të certifikuar, menaxherë financiarë, këshilltarë fiskalë, analistë të raportimeve financiare, si dhe ekspertë të qeverisjes korporative dhe përputhshmërisë ligjore në sektorët publik dhe privat.
Metodat e vlerësimit
Rezultatet e të nxënit në programin MA Kontabilitet dhe Auditim vlerësohen përmes testeve me shkrim, punës kërkimore, detyrave individuale dhe në grup, prezantimeve, etj. Meqenëse programi është në nivel Master dhe kërkohet hartimi i një projekti kërkimor (tezës së masterit), studentët vlerësohen gjithashtu për aftësitë e tyre në kërkim dhe rishikim të literaturës, përpunim të të dhënave, zbatim të metodave kërkimore, njohuri kompjuterike, aftësinë për të kontekstualizuar dhe vlerësuar, aftësitë e prezantimit dhe profesionalizmin, etj.
Tё dhënat pёr kalueshmërinë, braktisjen e studimeve dhe punësimin
BRAKTISJA E STUDIMEVE <15%
PUNËSUESHMËRIA E STUDENTËVE >90%
SUKSESI I STUDENTËVE NË PROVIME 8.5
Studentët e Kolegjit AAB, bazuar në Statutin dhe Rregulloren e Studimeve MA, gëzojnë të drejtën të marrin pjesë në ligjërata dhe aktivitete akademike, të përdorin shërbimet universitare si biblioteka dhe interneti, të përfaqësohen në organet e studentëve, të organizohen në shoqata jo-politike, të pajisen me dokumente zyrtare studentore dhe, pas përfundimit të studimeve, të marrin diplomën përkatëse. Studentët kanë të drejtë të paraqesin ankesa dhe kërkesa lidhur me çdo aspekt të procesit mësimor, vlerësimit apo çdo çështje tjetër që konsiderojnë se u pengon zhvillimin e tyre akademik dhe mirëqenien gjatë studimeve në kolegj.
Në Kolegjin AAB, studenti është akter i barabartë i cili përfshihet në hartimin, zbatimin dhe vlerësimin e proceseve të sigurimit të cilësisë. Studentët janë pjesëmarrës aktiv në çdo grup punues apo punëtori në të cilën diskutohet politik bërja, planifikimi strategjik dhe vendimmarrja. Në veçanti, studenti merr pjesë në procedurat e sigurimit të cilësisë përmes:
Qëllimi i kësaj lënde është t’u mundësojë studentëve të kuptojnë dhe të fitojnë njohuri të avancuara rreth përdorimit efektiv të sistemeve të kompjuterizuara të kontabilitetit për raportimin financiar dhe përputhshmërinë.
Lënda në Auditimin Publik synon t’i pajisë studentët me njohuri teorike dhe aftësi praktike, të cilat u mundësojnë të ndërtojnë kompetenca në fushën e Auditimit Publik. Lënda e Auditimit Publik synon të ofrojë njohuri dhe kuptim të thellë të proceseve dhe procedurave të auditimit të ndërmarrjeve publike dhe institucioneve qeveritare. Qëllimi kryesor është zhvillimi i aftësive të studentëve për të kuptuar, zbatuar dhe vlerësuar standardet dhe praktikat e auditimit.
Synimi i lëndës Standardet Ndërkombëtare të Kontabilitetit është pajisja e studentëve me njohuri të avancuara për zbatimin e standardeve gjatë kryerjes së procesit të kontabilitetit në korporata. Objektivat specifike të subjektit lidhen me standardet nga SNK-1 deri në SNK 41.
Qëllimi i kësaj lënde është t’u mundësojë studentëve të kuptojnë dhe të fitojnë njohuri të avancuara rreth përdorimit efektiv të sistemeve të kompjuterizuara të kontabilitetit për raportimin financiar dhe përputhshmërinë.
Qëllimi i lëndës Kontabiliteti i Avancuar është që studentët të pajisen me njohuri dhe aftësi në lidhje me rolin dhe rëndësinë e kontabilitetit të avancuar, në të cilin respektohen rreptësisht Standardet Ndërkombëtare të Kontabilitetit (SNK) dhe Standardet Ndërkombëtare të Raportimit Financiar (IFRS). Lënda synon t’u mundësojë studentëve të kuptojnë se si vendimet në rrethanat e globalizimit, kur format e kombinimit të bizneseve në vende të ndryshme po rriten, janë të pa realizueshme pa studimin e kontabilitetit të avancuar.
Qëllimi i lëndës Raportimi Financiar është t’u mundësojë studentëve të kuptojnë dhe zbatojnë standardet e kontabilitetit, raportimin financiar dhe kuadrin teorik në përgatitjen e pasqyrave financiare të subjekteve ekonomike, duke përfshirë grupet, si dhe mënyrën e analizimit dhe interpretimit të këtyre pasqyrave.
Qëllimi i lëndës Menaxhimi i Performancës është të rrisë aftësitë e studentëve në përdorimin e teknikave të menaxhimit të performancës. Këto teknika do t’i fuqizojnë studentët të zhvillojnë kompetenca në përdorimin e të dhënave sasiore dhe cilësore për të vlerësuar dhe menaxhuar performancën e biznesit.
Lënda “Menaxhimi Financiar” synon t’u mundësojë studentëve të zhvillojnë njohuritë dhe aftësitë e pritura nga një menaxher financiar, në lidhje me çështjet që prekin investimet, financimin dhe vendimet e politikave të dividentit.
Lënda Ligjet dhe Tatimet e Avancuara synon t’i pajisë studentët me njohuri të avancuara në fushën e tatimeve, punë praktike, punë empirike, format ligjor, deklarim, pajtueshmëri tatimore, aplikime tatimore bashkëkohore në nivel kombëtar, njohuri për sistemin tatimor evropian dhe njohuri praktike për aplikimet tatimore.
Lënda Raportimi i Korporatës synon të pajisë studentin me njohuritë, aftësitë dhe aftësitë e nevojshme për të komunikuar në mënyrë efektive informacionin financiar dhe jofinanciar të një kompanie me aktorë të ndryshëm. Kursi u ofron studentëve një kuptim të plotë të parimeve, metodave dhe rregulloreve që rregullojnë raportimin e korporatës.
Synimet e lëndës Auditimi dhe Siguria është t’u mundësojë studentëve të zhvillojnë njohuri dhe të kuptuarit e procesit të angazhimit, sigurimit dhe zbatimit në kontekstin e kornizës rregullatore profesionale.
Qëllimi i lëndës Standardet Ndërkombëtare të Auditimit është që studentët të fitojnë njohuri të avancuara për zbatimin e standardeve ndërkombëtare gjatë procesit të auditimit.
Lënda E-Audit synon të fokusohet në procesin e auditimit elektronik, duke përfshirë teknologjinë dhe mjetet dixhitale për të rritur efikasitetin, saktësinë dhe efektivitetin në praktikat e auditimit.
Lënda Menaxhimi i Avancuar i Performancës synon t’i pajisë studentët me njohuri teorike dhe aftësi praktike për aplikimin e teknikave të kontabilitetit të menaxhimit strategjik në kontekste të ndryshme biznesi në mënyrë që të kontribuojnë në planifikimin, kontrollin dhe vlerësimin e performancës së një organizate, dhe zhvillimin e saj strategjik dhe profesional. Lënda synon të inkurajojë studentët të eksplorojnë teknika të avancuara të matjes së performancës të zbatueshme në kontekste të ndryshme organizative, duke përfshirë ndërmarrjet jofitimprurëse, dhe t’i përgatisë ata për hartimin e sistemeve të matjes dhe menaxhimit të performancës në përputhje me objektivat strategjike të organizatës.
Qëllimi i lëndës “Standardet Ndërkombëtare të Raportimit Financiar” është të zhvillojë njohuritë teorike dhe praktike të studentëve, si dhe kompetencën në përgatitjen e pasqyrave financiare bazuar në SNRF në ndërmarrjet dhe organizatat që përdorin standardet ndërkombëtare të raportimit financiar.
