Në shenjë falënderimi për pjesëmarrje dhe kontributin e dhënë në trajnimin për trajnerë të basketbollit, janë certifikuar studentët nga Fakulteti i Kulturës Fizike dhe Sportit në Kolegjin AAB.
Studentët ishin pjesë e trajnimit dyditor që u organizua nga Kolegji AAB dhe Federata e Basketbollit të Kosovës. Ligjërues në këtë trajnim ishin dy trajnerët e njohur nga SHBA Brad Soderberg dhe Evropa Luca Palumbo.
Certifikatat u shpërndanë nga dekani i Fakultetit të Kulturës Fizike dhe Sportit Fatmir Pireva bashkë me përfaqësuesin e Federatës të Basketbollit të Kosovës Driton Obërtinca.
