Tema e luftës, konfliktit dhe shoqërisë është e vendosur në një grup vëzhgimesh rreth proceseve transformuese të shkaktuara nga lufta në kontekste të ndryshme gjeopolitike. Së fundmi, lufta në Ukrainë ka nxitur ndryshime sizmike në kontekstin evropian në lidhje me çështjet e sigurisë dhe status quo-në e rrethanave socio-politike dhe humanitare të Evropës. Gjithashtu, në sferën evropiane, lufta e viteve 1998-1999 në Kosovë – si e fundit e luftërave jugosllave të viteve 1990 – ndihmoi në riformësimin e të kuptuarit tonë në të tashmen në lidhje me trashëgimitë e historive të mbushura me konflikte. Nga pikëpamja akademike, konferenca e AAB-së për luftën, konfliktin dhe shoqërinë paraqet një platformë unike në të cilën diskutohen dinamikat transformuese të konfliktit ndër-grupor në kuptimin më të gjerë të tyre. Qëllimi është të evidentohen studimet akademike në konflikt nga një shumëllojshmëri e gjerë disiplinash dhe përmes fokuseve të ndryshme teorike dhe vatrave metodologjike. Me fjalë të tjera, konferenca mirëpret kërkime që hulumtojnë mënyrat në të cilat lufta dhe konflikti formësojnë shoqërinë, çështjet e zgjidhjes së konflikteve, drejtësinë kalimtare, nacionalizmin, lëvizjet kundër luftës, gjenocidin, etj. Konferenca do të përfshijë por nuk kufizohet në temat e mëposhtme:

– Nacionalizmi
– Përvoja qytetare nga konflikti
– Efektet psikologjike nga lufta
– Lëvizjet paqësore dhe protestat kundër luftës
– Media dhe konflikti
– Propaganda, gazetaria dhe fjalori i luftës
– Kujtesa dhe ruajtja e kujtimeve
– Drejtësia kalimtare, krimet e luftës
– Pasqyrime gjuhësore të konfliktit
– Transformimet ekonomike dhe politike të konfliktit
– Të drejtat e njeriut dhe konflikti
– Etj.