Sot është zhvilluar takim mes dekanatit të Fakultetit të Shkencave Kompjuterike dhe themeluesve të kompanisë “DigIT Consulting GmbH”.

Kompania “DigIT Consulting GmbH” e cila funksionon edhe në Prishtinë, ka për mision sigurimin e qasjes të lehtë dhe efikase për hyrjen në botën e digjitalizimit, duke shfrytëzuar potencialet e tregut ndërkombëtar në fushën e teknologjisë dhe inovacionit.

Qëllimi i këtij takimi ishte që të fillohet me implementimin e një kurrikule të përbashkët, në mënyrë që nevojat e industrisë të jenë në harmoni me pjesën teorike që ofrohet në fakultet. Andaj si hap i parë i bashkëpunimit pritet të mbahen disa ligjërata të përbashkëta mes dy palëve pjesëmarrëse në takim.

Ky takim u zhvillua në vazhdën e takimeve me përfaqësues nga industria për të diskutuar rreth mundësive për bashkëpunim.