Qëllimi dhe profili i programit

Programi i studimit Master në Shëndet Mendor bazohet në tendencat e fundit të programeve të psikologjisë, duke pasur krahasueshmëri të lartë me universitete evropiane, amerikane si dhe me disa sosh nga regjioni, sikundër që ofron staf akademik të motivuar dhe të përgatitur për t’i përmbushur standardet evropiane. Qëllimi i programit Psikologji Klinike është që të jap kontribut në qendrat e shëndetit mendor, spitalet, qendrat këshilluese, repartet psikiatrike, mjekësinë familjare, mjekësinë e përgjithshme, përmes implementimit të projekteve të ndryshme të vetëdijesimit dhe intervenimit psiko-social, përmes programeve fuqizuese komunitare dhe përmes kontribuimit në organizimin më të mirë të komunitetit të psikologëve klinik në vendin tonë, së bashku me zhvillimin e konstelacionit rregullator dhe institucional që e përcjell këtë proces. 

Misioni i programit Master në Shëndetin Mendor është të pajis studentët me njohuritë të larta akademike dhe hulumtuese, të cilët përgatiten të aplikojnë profesionin e psikologut klinik në mënyrë profesionale, të cilët janë konkurrues për studime të mëtejmë të psikologjisë, të cilët janë hulumtues kompetent dhe të cilët ofrojnë shërbime këshilluese dhe terapeutike për njerëzit në nevojë.

Programi Master në Shëndetin Mendor është dizajnuar në atë mënyrë që më së miri t’u shërbejë kërkesave akademike si dhe atyre aplikative që studentët kanë gjersa ndjekin formësimin e tyre profesional si psikolog klinik. Për asnjë moment nuk mund të anashkalohet fakti se procesi i përgatitjes së kuadrove për psikologji aplikative është deficitarë në vendin tonë, andaj gjatë hartimit të programit, ka qenë e domosdoshme që gjatë gjithë kohës të provojmë t’i japim më shumë ngjyrim aplikativ sesa teorik programit. Për të përmirësuar situatën sa më shumë që është e mundur në këtë drejtim, studentët brenda këtij programi, do t’i ndjekin dy lloje të praktikës klinike, atë jashtë institucionit (në institucionet me të cilat Kolegji AAB ka memorandume të bashkëpunimit, dhe praktika brenda institucionit—katër praktikumet). Mund të themi se boshti i vet këtij programi të studimit janë këto katër praktikumet që do të organizohen secilin semestër dhe të cilët do të ofrojnë para studentëve mjedise të mirëfillta klinike për observimin e punës klinike nga profesionistët e kësaj fushe, si dhe të praktikimit të shkathtësive terapeutike nën mbikëqyrjen e specializantëve të psikologjisë klinike.

Programi i studimit Psikologji Klinike supozohet se i përmbushë interesat e atyre që dëshirojnë të ndërmarrin një program rigoroz të studimit që çon në përmbushjen e kriterit bazik për licencim si psikolog klinik sipas UA 06/2017 dhe/ose studime në nivelin e doktoratës. Po ashtu, studentët të cilët do të përfundojnë nivelin Master në Shëndetin Mendor, përveç se do të mund të punojnë si psikolog klinik të licencuar (pasi që të licencohen nga institucionet përkatëse), gama e punësimit të tyre do të jetë edhe më e gjerë: në institucione të shëndetit mendor, institucione edukimi, organizata joqeveritare e shumë të tjera që kanë të bëjnë me shërbime psiko-sociale. Për më shumë, programi ka për qëllim edhe për të zhvilluar shkathtësitë hulumtuese tek studentët, duke iu ofruar atyre mundësinë e përfshirjes në projekte të ndryshme studimore e kërkimore në kuadër të programit të psikologjisë klinike.

Rezultatet e të nxënësit

Me përfundimin me sukses të studimeve master në Shëndet Mendor, pritet që studentët të plotësojnë qëllimet kryesore të programit përmes rezultateve të pritura në secilin prej tyre:

• Të përvetësojnë  më tej bazën solide të njohurive në Shkencën e Psikologjisë Klinike 

• përvetësojnë teoritë, konceptet, parimet, perspektivat, dhe tendencat e mëdha historike të disiplinës së psikologjisë moderne
• demonstrojnë  dhe argumentojnë natyrën ndryshuese të njohurive psikologjike klinike 

• Të  zhvillojnë të menduarit kritik 

• analizojnë  njohuritë e avancuara të psikologjisë, dhe rezultatet nga kërkimi shkencor 

• demonstrojnë shkathtësi dhe aftësi  për të zgjidhur probleme komplekse dhe të paparashikuara, në fushën e studimit;

• analizojnë debatet e tanishme teorike dhe gjetjet në psikologji klinike 

• Të kuptojnë metodën shkencore të avancuar

• hartojnë dhe zhvillojnë punime kërkimore, duke përdorur metodologji të ndryshme 
• kuptojnë metodat hulumtuese të përdorura në studimet e fundit në psikologji klinike 
• përdorin dhe të interpretojnë procedurat statistikore të avancuara përmes  përdorimit të SPSS për të analizuar të dhënat 
• sigurojnë, në përputhje me standardet profesionale, trajtimin etik të pjesëmarrësve të hulumtimit 

• Të zhvillojnë  aftësi të komunikimit profesional

• komunikojnë në mënyrë të qartë në të gjitha mënyrat standarde profesionale (prezantime me gojë, postera kërkimore, raporte hulumtuese)
• përmbledhin  dhe të sintetizojnë  literaturë psikologjike
• komunikojnë rezultatet e hulumtimit në mënyrë të qartë, duke përdorur të dyja fjalët dhe numrat
• hartojnë artikuj shkencor të cilësisë së lartë, në përputhje me standardet e revistave shkencore internacionale  
• prezantojnë sjellje etike në të gjitha aspektet e shkencës dhe praktikës së psikologjisë (p.sh., shmangia e  plagjiaturës dhe konfliktet e interesave)

• Të aplikojnë njohuritë psikologjike në mënyrë efektive

• të jenë në gjendje të aplikojnë parimet psikologjike në disa fusha të ndryshme: analizë individuale, grupore dhe organizata, mjedis klinik 
• zbatojnë metoda kërkimore në ndërmarrjen e pavarur të projekteve hulumtuese, të jenë në gjendje të artikulojnë se si parimet psikologjike mund të përdoren për të adresuar çështjet klinike dhe të informojë politikat publike në një kontekst multikulturor, globale

Rezultatet specifike të programit të studimit janë si në vijim:

• Të zhvillojnë shkathtësitë teorike dhe të observojnë si dhe ushtrojnë shkathtësitë praktike të testimit dhe vlerësimit psikologjik;
• Të fitojnë shkathtësitë teorike për psikopatologjitë kryesore mendore si dhe të familjarizohen në aspektin teorik dhe praktik me format kryesore të trajtimit të tyre;
• Të familjarizohen me bazën biologjike dhe fiziologjike të çrregullimeve mendore;
• Të përfitojnë shkathtësi praktike të trajtimit psikoterapeutik në bashkëpunim me specializantët; 
• T’i njohin parimet bazike të psikoterapisë si dhe çështjet etike dhe profesionale në trajtimin psikoterapeutik; 
• Të jenë të gatshëm për punë ekipore në aplikimin e njohurive dhe shkathtësive të fituara;
• Të jenë të gatshëm të marrin pjesë në hulumtimet shkencore relevante për fushën e studimit.

Niveli dhe grada akademike

Programi i Studimit MA në Shëndet Mendor është program i nivelit Master (MA), përkatësisht i nivelit VII të Kornizës Kombëtare të Kualifikimeve (KKK-së).

Kohëzgjatja dhe vëllimi

Studimet në Programin MA Shëndet Mendor zgjasin 2 vite, 120 ECTS me gjithsejtë 4 semestra. 

Secili semestër duhet të plotësojë kuotën e 30 ECTS.