Qëllimi i kësaj lënde është  njoftimi i studentëve me qasjen me familjen në  qendër gjatë  trajtimit të  foshnjave dhe fëmijëve. Fazat e rritjes dhe zhvillimit fizik dhe psikosocial, rëndësia e tyre gjatë  kujdesit infermierorë. Promovimi i gjidhënies dhe vaksinimit si faktorë shumë të rëndësishëm për zhvillimin e shëndetshëm të fëmiut. Promovimi i ushqimit të shëndetshëm për një zhvillim normal të fëmijëve. Njohja me sëmundjet akute dhe kronike sipas sistemeve, vlerësimin dhe menaxhimin e dhimbjes te fëmijët. Promovimi i shëndetit në të gjitha fazat e zhvillimit të  fëmijës, për të arritur një  funksionim sa më optimal të  njësisë fëmijë–familje dhe forcimin e raporteve të  shëndosha brenda kësaj njësie.

Qëllimi i lëndës është të i`u mundësoj studentëve njohjen e anatomisë, fiziologjisë të organeve gjenitale femërore si dhe sëmundjeve gjinekologjike. Planifikimin familjar dhe metodat kontracepsionit.Shtatzënia,komplikimet,lindja,gjendjet fiziologjike dhe patologjike. Kujdesi dhe trajtimi i proceseve malinje në organet gjenitale femërore. Të njohin sëmundjet seksualisht të transmetueshme, parandalimin, mbrojtjen dhe mënyrat e mjekimit. Përveç kësaj ata do të jenë në gjendje të interpretojnë pasqyrimin etik të profesionit të infermiereve në komunitetin profesional dhe shoqëror. 

Qëllimi i kësaj lënde është të shqyrtojë agjentët farmakoterapeutik të përdorur në trajtimin e sëmundjeve dhe sigurimit, mirëmbajtjes, restaurimit dhe mireqenies së individëve të ndryshëm përgjatë jetës së tyre. Theksi kryesor është dhe bie mbi parimet e farmakokinetikës, farmakodinamikës dhe farmakogjenetikës në trajtimin e sëmundjeve të zgjedhura. Fokusi është në konceptet e administrimit të sigurt dhe monitorimin e efekteve të agjentëve farmakoterapeutik.

Qëllimi i kësaj lënde është njoftimi i studentëve me diagnozat infermierore dhe klasifikimin e tyre (p.sh NANDA kategoritë). Të njihen me metodat dhe mjetet e vlerësimit infermieror dhe tretmanit terapeutik infermieror, parimet dhe përgjegjësitë e kujdesit infermieror në programin terapeutik dhe diagnostik. Të njoftohen me njohuritë themelore mjekësore për sëmundjet më të shpeshta. Të njihen me menaxhimin e pavarur infermierorë të një pacienti me sëmundje të ndryshme si dhe njohuri specifike  për natyrën e sëmundjes së caktuar për të ofruar kujdesin e duhur infermieror. Të gjitha elementet e  marrjes së anamnezës, të ekzaminimit fizik infermierik dhe përqasjen e duhur infermierore të një pacienti me një sëmundje të caktuar.

Studentët do të njihen me sëmundjet e brendshme si dhe konceptet themelore të kujdesit infermieror tek pacientët internistik. Do të  aftësohen me njohurit teorike dhe praktike  të trajtimit të sëmurëve, zhvillimi i kompetencave mbi vlerësimin, diagnostikimin, planifikimin, raportimin dhe ndërhyrjen infermierore. Do të fitojnë njohuri në lidhje me parandalimin, shenjat dhe simptomat, proceduarat diagnostike, si dhe mënyrat e trajtimit të sëmundjeve internistike.

Kjo lëndë u paraqet studentëve teoritë që lidhen me çrregullimet e zakonshme psikiatrike dhe nevojat specifike të personave me çrregullime psikike. Përfshin një përmbledhje të trajtimeve të ndryshme që janë në dispozicion për personat me çrregullime psikike. Do të merren parasysh çështjet etike si: përputhshmëria e pacientit me trajtimin, pëlqimin e informuar, shtrimi i  të menjëhershëm në spital. Studenti do të jetë i informuar për shërbimet sociale dhe shëndetësore që janë në dispozicion për personat me çrregullime psikike dhe për ata të cilët kanë vështirësi në të mësuar. Studenti do të zhvillojë aftësitë e duhura të komunikimit dhe kujdesit profesional.

Qëllimi i kësaj lënde është përfitimi i njohurive nga ana e studentëve për metodat themelore të diagnostikimit dhe trajtimit të situatave në të cilat është e domosdoshme ofrimi i ndihmës së parë, përfshirë sëmundjet akute dhe ato kronike të akutizuara, lëndimet, djegiet, gjakderdhjet, helmimet dhe metodat bashkohore të reanimimit kardiopulmonar.

Në këtë modul do përfshihen njohuritë bazike për studentët e infermierisë nga fusha e sëmundjeve ngjitëse.Do të studiohet epidemologjia dhe terminologjia lidhur me infeksionet, si dhe njohuria mbi organizmat sëmundje-shkaktues. Do të përshkruhen procedurat diagnostike dhe trajtimi i bazuar në dëshmi. Do të rishikohen efektet dhe zhvillohet njohuria rreth infeksionit të individëve dhe komuniteteve. Kjo do të përfshijë rishikimin e kontrollit të infeksionit. Do të ofrohen informacione për shumëllojshmërinë e sëmundjeve të zakonshme infektive dhe do të diskutohet për kujdesin e duhur të Infermierisë që duhet ofruar në spitale dhe në komunitete për personat me këto kushte.

Kjo lëndë do t’i zhvillojë njohuritë e studentëve në lidhje me procesin e hulumtimit, dhe është dizajnuar që t’u mundësojë studentëve të lexojnë dhe vlerësojnë në mënyrë kritike për hulumtimet e me theks të veçantë aplikimit në praktikën e tyre klinike. Lënda synon që studentët e Infermierise t’i aftësojë për punë të  pavarur në shkruarjen e hulumtimeve të cilësisë së lartë si dhe t’i pajisë me njohuri për çështjet metodologjike në procesin e kërkimit shkencor. Do të mësohen dhe analizohen llojet e hulumtimeve shkencore në degën e Infermierisë; do të aftësohen studentët për planifikimin e pavarur të hulumtimit dhe mënyrën e shkruarjes së artikullit shkencor. Do të njihen me rëndësinë dhe karakteristikat e punës kërkimore dhe hulumtuese.

Kjo lëndë ka për qëllim që studentëve t’ua zgjerojë të kuptuarit rreth menaxhimit, udheheqjes se aktiviteteve dhe sherbimeve te infermierisë në kontekst të planifikimit, organizimit dhe ofrimit të kujdesit të duhur infermierorë. Kjo lëndë do të lehtësojë zhvillimin e aftësive kritike dhe analitike lidhur me ofrimin e kujdesit infermieror, menaxhimin dhe udhëheqjen.

Qëllimi i lëndes është njoftimi i studentëve me rolin dhe rëndësinë e infermierëve të komunitetit në sistemin e kujdesit shëndetësor, ku studentët do të janë në gjendje të njohin dhe integrojnë konceptet sociale shkencore dhe teoritë e provat e fundit  kërkimore. Studentët do të identifikojnë ndikimet e zhvillimit politik dhe social në kujdesin shëndetësor në vend dhe jashtë vendit. Do njoftohen dhe do jenë në gjendje të kuptojnë përparësitë e kujdesit të integruar për individët, familjet e tyre dhe për komunitetit. Lënda ka për qëllim  t’iu ndihmoj studentëve të njoftohen me përparësitë dheobligimet për respektimin e standardeve të kujdesit infermieror, po ashtu ofrimin e kujdesit infermieror dhe zabtimin e njohurive sipas planit të kujdesit shëndetësor në komunitet duke u bazuar në analizë, sintezë dhe vlerësim të literaturës së kujdesit infermieror në komunitet.

Kjo lëndë bazohet në njohuritë e studentëve për zhvillim të shëndetshëm për të mundësuar të kuptuarit e nevojave të të rriturve me sëmundje fizike. Kjo do të shqyrtojë patopsikologjinë e sëmundjes, shkaqet, simptomat, diagnozën dhe trajtimin e të dy gjendjeve akute dhe kronike. Do të shqyrtohen efektet fizike dhe mendore afatshkurtë dhe afatgjatë, për të ardhmen e shëndetit dhe mirëqenien. Aftësitë psikomotorike të kujdesit dhe një shumëllojshmëri e procedurave të kujdesit do të mbahen në klasë, ndërsa arritja e kompetencave do të bëhet në spital ose në komunitet.

Kjo lëndë konsolidon programin. Studentëve do t’u ofrohen mundësi për të zhvilluar aftësitë e tyre në infermierinë klinike; të praktikojnë aftësitë e menaxhimit në mjedise të ndryshme; demonstrojnë hulumtim të bazuar sistematik, të individualizuar dhe etik gjithashtu edhe menaxhimin e qasjes së kujdesit tek pacientët, familjarët dhe profesionistëve të tjerë të shëndetit. 

Lënda ka për qëllim sqarimin e përgjithshëm të metodologjisë së punës kërkimore-shkencore dhe terminologjisë përkatëse. Ligjëratat rreth përcaktimit dhe zhvillimit të hapave që ndjek një punim shkencor, prej përcaktimit të temave për hulumtim, përgatitjes së projektit hulumtues, rishikimit te literatures, përcaktimit të dizajnit hulumtues, popullatës dhe mostrës përkatëse, përzgjedhjes dhe përcaktimit të instrumentave matëse dhe mbledhjes së të dhënave, analizimit dhe interpretimit të të dhënave, përpilimit të raportit të hulumtimit e deri në vlerësimin e këtij raporti, janë shoqëruar me detyra  praktike të cilat janë zhvilluar paralel me përgatitjen akademike të studentëve. Gjithashtu,  do të sqarohen edhe qasjet e ndryshme kuantitative dhe kualitative  si dhe metodat  mikse në hulumtimet shkencore

Qëllimi i kësaj lënde është që studenti të njoftohet me përgatitjen psiqike dhe fizike para ndërhyrjes kirurgjikale. Përgatitjen e pergjithshme, specifike të një pacienti.Studenti njihet me periudhen intraoperative. Standartet e ruajtjes së asepses ne sallen kirurgjikale si dhe sigurinë e pacietit në sallë. Klasifikimi sipas ASA i pacientëve.

Qëllimi i kësaj lënde është metodologjia dhe teknika e të shkruarit, si një nga format e komunikimit. Metodologjia dhe teknika e të shprehurit qartë të mendimit në letër për t`iu përshtatur lexuesit, të cilit i drejtohet, dhe për të mbajtur gjallë interesin e tij. Kjo lëndë synon të zhvillojë mendimin kritik dhe krijues si gjatë leximit, ashtu edhe gjatë shkrimit. Shkrimi akademik synon t’ i eliminojë mangësitë që e shoqërojnë procesin e të shkruarit, t’ i mësojë studentit mënyrën e të shkruarit të një letre, raporti, eseje, ligjërate apo një punimi kërkimor.

Qëllimi i kësaj lënde është njohja e masave mbrojtëse për të parandaluar infeksionin. Njohja me sëmundjet infektive dhe mënyra e bartjes se infeksioneve. Poashtu studentët do të njihen me përkufizimet dhe definicionet e sëmundjeve ngjitëse dhe rrezikun gjatë punës diagnostike. Studentët do të informohen, dhe trajnohen sa i perket higjenes dhe mbikëqyrjes se infeksioneve intrahospitalore.

Përmes këtij moduli studentët do të arrijnë të definojnë dhimbjen dhe sqarohen mbi konsekuencat psiqike të dhimbjeve afatgjata . Do të mësojnë për mënyren e trajtimit të dhimbjes me medikamente; të përafrohen me fiziologjinë e dhimbjes, të njihen me bazat e farmakologjisë dhe ndikimet anësore të medikamenteve, të aplikojnë masat me ndikim primar periferik dhe primar qendrorë si dhe stimulimin bazal.

Kjo lëndë do t’i zhvillojë njohuritë e studentëve në lidhje me trajtimin e sëmundjeve terminale të avancuara si dhe me ndikimin e tyre, zhvillimin dhe karakteristikat specifike të kujdesit paliativ infermieror, studentët mësojnë se si të vlerësojnë dhe të planifikojnë ndërhyrjet ndaj simptomave më të shpeshta në fund të jetës si dhimbja, dispnea, nauzea dhe deliriumit. Studentët mësojnë se si të përgatisin një vlerësim të integruar të nevojave psikologjike, sociale dhe shpirtërore të pacientit dhe familjes si dhe planifikojnë trajtimin në përputhje me rrethanat. Njohin dhe kuptojnë rëndësinë e një qasje të integruar dhe multidisiplinare në kujdesin paliativ. Aftësohen për përgaditjet mbi stadin terminal të sëmundjes, procesin e vdekjes dhe rregullat ligjore në fuqi për këtë proces.

Studentët do të familjarizohen me qasjet moderne dhe me evidencat e fundit të menaxhimit dhe udhëheqjes, menaxhimin e kujdesit shëndetësor dhe menaxhimin infermieror. Mësojnë në lidhje me menaxhimin e kujdesit shëndetësor në mjedisin social, kuptojnë rëndësinë e menaxhimit të integrimit të kujdesit shëndetësor me menaxhimin infermieror, kuptojnë rëndësinë e udhëheqjes për menaxhimin e suksesshëm të ofrimit të kujdesit shëndetësor, kuptojnë teorinë e udhëheqjes dhe menaxhimin e ndryshimeve në menaxhimin infermieror; bëjnë dallimin në mes të menaxhmentit dhe lidershipit; përdorin teoritë e udhëheqjes në praktikë; përdorin elementet e udhëheqjes në praktikë; familjarizohen me teknikat e suksesshme të zbatimit të ndryshimit për zgjidhjen e problemeve.

Qëllimi i kësaj lënde është që studenti të njihet me rëndësinë e infermierisë së bazuar në prova, fiton njohuri në lidhje me evolucionin e infermierisë së bazuar në prova, si të parashtrojë pyetje përkatëse klinike, të gjejë prova përkatëse, si dhe të vlerësojë në mënyrë kritike. Studenti duhet të përvetësojë aftësitë për aplikimin e provave kërkimore në praktikën infermierore. Njihet me pengesat e përdorimit të provave në praktikën infermierore, si dhe mëson se si të shkruajë artikuj profesional.

Qëllimi i teorisë së kujdesit infermieror transkulturor është njohja, përvetësimi dhe aplikimi i gjetjeve kërkimore të kujdesit infermieror për të siguruar përfilljen e specifikave kulturore në harmoni kulturore me origjinën e pacientit për të siguruar shëndet, mirëqenie, shërim dhe ndihmë personave që përballen me sëmundje, kufizime aftësish jetësore apo edhe vdekje të mundshme.
Të sfidojë infermierët e ardhshëm për të zbuluar dhe përvetësuar njohuri transkulturore rreth kujdesit njerëzor dhe të mësojnë si të përdorin ate si një udhëzues për të ofruar kujdes të pranueshëm kulturor dhe duke kontribuar në aplikimin e nocioneve themelore të profesionit infermieror.

Qëllimi i kësaj lënde është që të informojë studentët me metodologjinë e hulumtimit dhe bazat e informatikës shëndetësore. Studentët do të aftësohen në shfrytëzimin dhe interpretimin e metodave më të shpeshta statistikore në lëmin mjekësore. Njohuri nga fusha të ndryshme mbi të cilat kujdesi infermieror është i bazuar në lidhjen me informatiken në kujdesin shëndetësor.

Studentët do të njohin për rëndesinë e yndyrnave, proteinave, karbohidrateve, vitaminave dhe mineraleve qe i nevojiten një organizmi në periudha të ndryshme të jetës, kuptojnë dhe janë të njohur me përcaktimet themelore dhe funksionet metabolike të shëndetit; kuptojnë rëndësinë të ushqyerit klinik si një pjesë integrale e mjekësisë parandaluese dhe kurative; specifikojnë aktivitetet klinike të ushqyerit brenda sistemit të kujdesit shëndetësor të vendit; bëjnë dallimin në mes të ushqyerit të shëndetshëm tek popullata në rrezik dhe popullata e sëmurë;si dhe rekomandimet e dietave të ndryshmve varesisht nga gjendja shëndetësore e pacientit.

Studentët do të kuptojnë se si funksionon procesi i komunikimit; zgjedhin modele të përshtatshme të komunikimit; duhet të dinë se si duhet përcaktuar procesin e dëgjimit; kuptojnë dallimin në mes të komunikimit jo-verbal dhe verbal; kuptojnë rëndësinë e komunikimit terapeutik; dinë se si të përdorin empatinë; përdorin të paktën standardet minimale të komunikimit; janë në gjendje të kuptojnë komunikimin asimetrik: infermier-pacient.