Misioni i Fakultetit tё Shkencave Sociale është që të përkrahë aspiratat arsimore të studentëve me qëllim që t’i përgatis ata të kontribuojnë në mënyrë konstruktive në çështjet arsimore, kulturore dhe sociale në një kontekst më të gjerë. Fakulteti i Shkencave Sociale kërkon të sigurojë një përvojë të shkëlqyeshme të studentëve dhe të transformojë mjedisin më të gjerë socio-ekonomik drejt konkurrencës së qëndrueshme përmes nxitjes së kërkimit të besueshëm, inovacionit dhe përafrimit të akademikëve dhe vlerave me tregun e punës.
Fakulteti kombinon mësimin teorik me atë praktik duke i mundësuar studentëve marrjen e bazave kryesore teorike, zhvillimin e shkathtësive praktike, dhe aplikimin e kompetencave për zgjidhjen e problemeve komplekse. Krahas kësaj Fakulteti synon zhvillimin e personalitetit të studentëve, duke i angazhuar ata në diskutime të ndryshme që lidhen me çështjet sociale, etike, dhe përgjegjësinë sociale.
Fakulteti i Shkencave Sociale promovon pjesëmarrjen dhe angazhimin e studentëve në përmirësimin e procesit mësimor duke kontribuar kështu edhe në ndërtimin e shkathtësive të udhëheqjes, bashkëpunimit dhe përgjegjësisë ndaj të tjerëve.
