Fakulteti Ekonomik i Kolegjit AAB ka mbajtur takimin e radhës së Këshillit Mësimor ku është diskutuar enkas për procesin e akreditimit dhe riakreditimit të programeve në proces.

Gjatë kësaj mbledhje u diskutuan planprogramet dhe programet, ndërsa u morën vendime të rëndësishme për çështjet e rishikimit të këtyre programeve.

Pikat e rendit të ditës nga kjo mbledhje ishin si në vijim:

• Njoftimi për procesin e akreditimit dhe riakreditimit
• Shqyrtimi i propozimeve për rishikimet e programeve dhe vlerësim të planprogrameve për programet në akreditim
• Shqyrtimi i propozimeve të bartësve për rezultatet e të nxënit të programeve
• Hartimi i syllabuseve sipas vendimeve që merren për rishikimin e programeve
• Të ndryshme

Takimi u përmbyll duke u siguruar që informatat dhe sugjerimet të adresojnë qartë përpjekjet e bartësve të programeve për përpilim të drejtë të programeve.