Sot kanë filluar trajnimet për staf akademik të organizuara nga Qendra për Aftësim Profesional dhe Inovacion dhe Këshilli Profesional i Kolegjit AAB.

Në këto trajnime është parë një numër i madh i pjesëmarrësve të cilët do jenë pjesë aktive e trajtimit të temave si “Planifikimi dhe menaxhimi i projekteve” me trajnueset Ilirjana Geci, Qëndresa Kukaj dhe Erëza Mehmeti; “Metodologjia e arsimit të lartë nga perspektiva e parimeve të mësuarit të të rriturve” me trajnuese Arbërore Bicaj dhe “Format e vlerësimit dhe ndërtimi i notës” me trajnuesit Xhavit Rexhaj dhe Shemsedin Vehapi.

Drejtoresha e QAPI Diana Qarkaxhija u ka uruar punë të mbarë trajnuesve dhe pjesëmarrësve duke i falënderuar për interesimin e shprehur në organizime të tilla, që kanë rëndësi të madhe për të gjithë individët që i takojnë stafit akademik.

Trajnimet do vazhdojnë edhe me datën 30 gusht, për ditën e dytë me radhë.