Pas thirrjes së hapur për aplikim në projektet studentore, Kolegji AAB do mbështes financiarisht tre projekte, ku fitues dolën Fakulteti i Psikologjisë, Fakulteti i Shkencave Sociale dhe Fakulteti i Shkencave Kompjuterike. Prorektori për Financa i Kolegjit AAB, Gëzim Shabani ka nënshkruar marrëveshjet për implementimin e projekteve.

Projektet fituese janë si vijon:

• Fakulteti i Psikologjisë – Le të flasim për shëndetin mendor/ Ndryshimi i qasjes, ndryshimi i jetës (studente udhëheqëse: Marigona Shala me mentore Afërdita Ahmeti)
• Fakulteti i Shkencave Sociale – Mjedis i përshtatshëm pa bullizëm për fëmijët në kopshte (studente udhëheqëse: Valbonë Valiqi me mentore Violeta Buza)
• Fakulteti i Shkencave Kompjuterike – Ndërgjegjësimi i nxënësve për rreziqet dhe kërcënimet kibernetike (student udhëheqës: Erion Shahini me mentor Ardian Isufi)

I tërë procesi i thirrjes për aplikim në këto projekte studentore, deri në zgjedhjen e fituesve ka qenë i udhëhequr nga Zyra për Zhvillimin e Projekteve e Kolegjit AAB.