Kolegji AAB themelon Qendrën për Aftësim Profesional dhe Inovacion

30 Shtator 2021

Në suaza të zhvillimit të vazhdueshëm dhe angazhimit për ngritjen e cilësisë dhe shërbimeve, Kolegji AAB ka themeluar Qendrën për Aftësim Profesional dhe Inovacion (QAPI).

Kjo qendër ka për qëllim të ofrojë shërbime të certifikuara të aftësimit dhe përkrahjes profesionale për personelin akademik dhe administrativ.

Përveç për stafin e AAB-së, këto shërbime do të ofrohen edhe për institucione të tjera arsimore e që do të jenë në funksion të ndërtimit të kapaciteteve akademike dhe ngritjes së cilësisë së mësimdhënies, hulumtimit dhe menaxhimit.

Share:

NJOFTIM: MASAT E REJA ANTI COVID_19 – SHTYHET AFATI I PROVIMEVE TË SHTATORIT

Të nderuar studentë dhe staf i Kolegjit AAB,

Ju njoftojmë se bazuar në vendimin e Qeverisë së Republikës së Kosovës 01/35 të datës 12 shtator 2021, për aplikimin e masave të reja kundër Covid-19, Kolegji AAB ka marrë këtë vendim:

  • Shtyhet afati i provimeve të shtatorit deri më 27 shtator 2021
  • Në rast të lehtësimit të masave dhe përmirësimit të situatës me pandeminë, provimet do të vazhdojnë të mbahen nga data 27 shtator 2021
  • Orarin e ri të provimeve sipas planifikimit të ri do ta gjeni të publikuar në webfaqe dhe në e-service
  • Në rast se situata do të vazhdojë të jetë e rënduar edhe pas datës 26 shtator, provimet do të mbahen online për çfarë do të njoftoheni me kohë

Ndërkohë, ju lutemi të gjeni të bashkëngjitur vendimin e Qeverisë së Kosovës, për aplikimin e masave të reja anti-Covid_19 dhe ju lusim të zbatoni masat në përpikëri.

MASAT E REJA ANTI COVID_19