Fakulteti i Shkencave Kompjuterike të Kolegjit AAB dhe Kompania “Appbites Shpk”, nënshkruan marrëveshje bashkëpunimi, duke e shtuar këtë kompani në listën e partnerëve dhe bashkëpunëtorëve profesionalë të këtij fakulteti.

Kjo marrëveshje e bashkëpunimit e cila ka për qëllim realizimin e punës praktike të studentëve të Fakultetit të Shkencave Kompjuterike të Kolegjit AAB në “Appbites Shpk”, u nënshkrua nga Dekani i Fakultetit të Shkencave Kompjuterike të Kolegjit AAB, prof. Jusuf Qarkaxhija dhe Drejtori Menaxhues i “Appbites Shpk” Arianit Pajaziti.

Dekani Qarkaxhija falënderoi drejtorin Pajaziti për gatishmërinë e shprehur për bashkëpunim me Kolegjin AAB, duke thënë se AAB do të angazhohet me të gjitha kapacitetet që ka, që kjo marrëveshje bashkëpunimi të gjejë implementim sa më të suksesshëm.