Për herën e dytë me radhë përfaqësuesit e Dhomave të Specializuara të Kosovës kanë zhvilluar ligjëratë dhe bashkëbisedim për studentët e Fakultetit Juridik në Kolegjin AAB.
Të ftuar në këtë ngjarje ishin: Asistentja në Zyrën për Informim nga Dhomat e Specializuara të Kosovës Ana Profozic, Avokati i Popullit Paul Landers dhe Blendë Pira nga Youth Initiative Human Rights (YIHRKS).
Prorektorja e Kolegjit AAB Venera Llunji, falënderoi të ftuarit ndërsa tha se është privilegj që studentët të bashkëbisedojnë me ta, duke shtuar se Kolegji AAB është i përkushtuar për drejtësinë dhe sundimin e ligjit përveç për ekselencë akademike.
Si tema diskutimi në këtë ligjëratë ishin: Procedurat ligjore në Dhomat e Specializuara të Kosovës, strukturat, viktimat dhe rastet që zhvillohen pranë kësaj gjykate, mandati, të drejat e të dyshuarve dhe të akuzuarve, etj.
Studentët shfrytëzuan mundësinë për t’iu parashtruar pyetje të ftuarve, si dhe diskutime në lidhje me proceset aktuale të gjykimeve ndaj ish liderëve politikë në Kosovë.
