Arbresha Aliçkaj ka lindur më 20 maj 2000 në Prishtinë. Në fëmijëri është zhvendosur në Deçan, ku ka përfunduar arsimin fillor dhe të mesëm.Në vitin 2018 nisi studimet universitare në Kolegjin AAB drejtimi Shkenca Kompjuterike – Inxhinieri Softuerike, të cilat i përfundoi në dhjetor të vitit 2021. Duke synuar përmirësim të mëtejmë profesional dhe akademik, në nëntor të vitit 2022 vazhdoi studimet e ciklit të dytë (master) në të njëjtin institucion dhe drejtim – Shkenca Kompjuterike, MSc, ku aktualisht është në përfundim të programit master.
Përvoja profesionale e saj filloi në vitin 2021, kur nisi angazhimin e saj në Kolegjin AAB fillimisht si Menaxhere e Rrjeteve Sociale. Ky rol i dha mundësinë të zhvillojë aftësi të rëndësishme në menaxhimin e komunikimit dixhital dhe promovimin institucional. Brenda të njëjtit institucion, ajo u angazhua në pozita të rëndësishme në fushën e teknologjisë së informacionit.
Aktualisht, ajo ushtron funksionin e Zhvilluese Softuerike në Kolegjin AAB që nga nëntori 2021. Në këtë pozicion, ajo është pjesë e një ekipi profesional që zhvillon aplikacione softuerike me performancë të lartë dhe standarde të larta sigurie, duke përdorur teknologjitë më të fundit dhe praktikat më të mira në programim dhe testim. Përveç kësaj, Arbresha është aktive në fushën akademike si Asistente në Mësimdhënie në programin e Shkencave Kompjuterike në Kolegjin AAB.
Përvoja akademike filloi në vitin 2022 si ligjëruese e lëndës Teknologji Informative në Fakultetin e Shkencave Sociale, duke vazhduar tutje me angazhimin në fakultetin e Shkencave Kompjuterike si asistente e lëndëve : Baza e të Dhënave, Web Gjuhët dhe Teknologjitë, Inxhinieri Softuerike dhe Dizajnimi i Web-it.
Gjatë punës së saj në Kolegjin AAB, ka kontribuar në zhvillimin e një numri të madh të aplikacioneve softuerike, me synim zhvillimin e aplikacioneve me performance të lartë dhe të besueshme, zbatim të praktikave më të mira të programimit dhe testimit të kodit, dokumentim teknik dhe përdorues për sistemet e zhvilluara si dhe pjesëmarrje aktive në zhvillimin dhe mirëmbajtjen e bazës së të dhënave.
Punimet shkencore dhe konferencat
Aktualisht është në fazën hulumtuese për temën e saj të magjistraturës, që ka të bëjë me përdorimin e teknikave të avancuara të Data Mining në fushën e teknologjisë së informacionit. me qëllim të zhvillimit të modeleve parashikuese dhe analizave të thelluara mbi të dhëna reale, duke kontribuar në zgjidhje inovative sektorin e teknologjisë dhe më tej.
Trajnime, Punëtori dhe Vizita Studimore
Gjatë viteve të fundit, ka marrë pjesë në një sërë punëtorish dhe trajnimesh me fokus në teknologji, dhe zhvillim profesional. Një nga certifikatat më të rëndësishme është:
Arbresha Aliçkaj është një profesioniste e përkushtuar dhe me vizion, e motivuar për të sjellë ndryshime pozitive dhe inovative në fushën e teknologjisë së informacionit. Ajo është e orientuar drejt cilësisë së lartë, punës në ekip dhe zhvillimit të zgjidhjeve efikase ndaj sfidave të sotme teknologjike.
Aktualisht jeton dhe punon në Prishtinë, duke ndjekur karrierën e saj në fushën e Inxhinierisë Softuerike dhe edukimit akademik.
